اسلام آباد۔19اپریل (اے پی پی):وفاقی تہی کارانی وزیر محسن نقوی ءَ بلوچستان ءِ دمگ داکی ءَ خوارج ناشرکار آنی ھلاپ ءَ سوبمندیں آپریشن ءِ سر ءَ انسداد ناشرکاری ءِ محکمہ ءُ ایندگر سیکورٹی ادارگ آناں توسیپ کتگ۔ آپریشن ءِ توسیپ کنان ءَ وفاقی وزیر محسن نقوی ءَ شمبے ءِ روچ ءَ 5 ناشرکار آنی کوش ءِ سر ءَ بہادریں کارندہ آناں شگر ءُ منت گپت ءُ آھاں را راج ءِ بہادریں زھگ لیک اِت۔ آئی ءَ گوشت کہ سی ٹی ڈی ءُ ایشی ءَ گوں سیادی داروکیں ادارگ آناں ناشرکار آناں انصاف ءِ دیم ءَ آرگ ءُ آھانی نا شریں منصوبگ آناں ناکام کنگ ءَ مزنیں سوبمندی یے رستگ۔ محسن نقوی ءَ گوشت کہ ما اے ورنائیں افسر آنی دلیری ءَ را سلام پیش کن آں کہ آہاں اے مشن ءَ را غیر معمولی بہادری ءَ گوں سرجم کتگ، سرجمیں راج ءَ را شمئے جزم ءُ مھکمی ءِ سر ءَ پخر انت۔ آئی ءَ گیش گوشت کہ پاکستانی راج ناشرکاری ءِ ھلاپ ءَ جنگ ءَ یکجا ءُ جزم اِنت ءُ اے ھترہ ءِ ھلاسی ءِ واستہ حکومت ءِ بے مٹیں عزم ءِ پدر کنگ ءَ اِنت۔ ڈکی ءَ آپریشن سرجمیں ملک ءَ امن ءُ ایمنی ءِ بحالی ءِ پاکستان ءِ برجاھیں کوشست آنی تہ ءَ یک دگہ ھاسیں گامگیج اِنت۔
