اسلام آباد۔19اپریل (اے پی پی):پاکستان ءِ چیف جسٹس جسٹس یحییٰ آفریدی پاکستانی ڈل ءِ سروکی ءَ ایس سی او ءِ باسکیں ملک آنی سپریم کورٹ آنی چیف جسٹس آنی بیستمی کانفرنس ءَ کنت کہ چین ءِ شہر ہانگجو ءَ 22 ءَ بگر داں 26 اپریل 2025 ءَ برجم دارگ بیت۔ شاہد وحید ہم ڈل ءَ ہوار بیت، وھدیکہ ضلعی عدلیہ ءِ دو جج ھم ڈل ءَ ہوار بنت۔ ایشانی تہا بلوچستان ءِ دوریں ضلع گوادر ءِ ڈسٹرکٹ ءُ سیشن جج ظفر جان ءُ خیبر پختونخوا ءِ دوریں ضلع لکی مروت ءِ سینئر سول جج نادیہ گل وزیر ہوار انت۔ ایس سی او ءِ عدلیہ کانفرنس ءَ بہر زوروکیں ڈل ءِ تہا ضلعی عدلیہ ءِ جج آنی بہر زورگ جسٹس یحییٰ آفریدی ءِ عدلیہ ءِ نظام ءِ تہا ہوار کنگ ءِ عزم ءِ ہمرائی ءَ دوریں جاہ آنی تہا زمہ واری ءِ پیلو کنگ ءِ عدلیہ ءِ افسر آنی سرپرستی ءِ درشان انت۔ شمبے ءِ روچ ءَ پاکستان ءِ سپریم کورٹ ءِ پبلک ریلیشنز ڈیپارٹمنٹ ءِ نیمگ ءَ جاڑی بوتگیں پریس ریلیز ءِ رد ءَ اے ھاسیں مراگش ءِ ساھت ءَ پاکستان ءِ سپریم کورٹ ءُ چین ءِ سپریم پیپلز کورٹ ءِ نیام ءَ یک ھاسیں مفاہمت نامہ ءِ سر ءَ دستخط ھم کنگ ءِ گمان اِنت۔ مفاہمت نامہ ءِ مول ءُ مراد ادارگی رابطہ ءِ جوڑ کنگ، صلاحیت سازی ءِ گامگیج آنی آسراتی، ءُ میاں اوستمانی تجارتی کانود، ثالثی، سائبر کرائم، مالیاتی جرم، موسمیاتی بدلی ءِ مقدمہ ءُ عدالتی ٹیکنالوجی ءِ یکجا کنگ ءَ ھوار کلیدی شوبگ آنی تہ ءَ یکے دومی ءَ گوں زانت ءِ تبادلہ ءَ را گیش کنگ اِنت۔ دیمترا اے مفاہمت نامہ ءِ تہ ءَ تنازعہ ءِ گیواری، آمید گس ءِ پیسلہ آنی منگ ءُ نفاذ ءِ تہ ءَ دو نیمگی کمک ءِ تہ ءَ گیشی ءِ کوشست ھم اِنت ءُ ھمے رنگ ءَ سول معاملہ آنی تہ ءَ یکوئی ءِ قانونی کمک ءِ تہ ءَ ھم یک کوشست اِنت کہ ایشی ءَ چہ دوئیں ملک آنی عدالت ءِ آجوئی، حاکمیت ءُ کانود ءِ سر ءَ عمل کنگ ءِ یکجاھیں عزم ءِ پدا پدر کنگ بیت۔ جار ءِ رد ءَ جسٹس شاہد وحید ”مصنوعی ذہانت ءِ عدالتی کارمرز“ ءِ سرھال ءَ کانفرنس ءِ تہ ءَ کلیدی گشتانک دنت ءُ ایشی ءِ تہ ءَ عدالتی کارکردگی، شفافیت ءُ رسائی ءَ را گیش کنگ ءِ واستہ مصنوعی ذہانت ءِ بدلی ءِ توانائی ءِ سر ءَ چمشانک دیگ بیت۔ جسٹس شاہد وحید اے درگت ءَ پاکستان ءِ برجاھیں گامگیج آناں پدر کنت۔ اے رد ءَ ای ٹی ایچ زیورخ ءِ وڑیں جھان ءِ ادارگ آنی ھمکاری ءَ مصنوعی ذہانت ءِ وسیلگ ءَ قانونی رھبند ءِ جوڑ کنگ، اے آئی ءِ سر ءَ بنیات ءِ سر ءَ دیمروئی کتگیں قانونی پٹ ءُ پولی ٹولز، آمید گس ءِ ریکارڈ آنی ڈیجیٹل کنگ ءُ پیش گوئی ءِ تجزیہ ھوار اَنت تانکہ یکجاھیں عدالت ءِ آسر آناں دل یکیمی کنگ بہ بیت۔ آ مصنوعی ذہانت ءِ یکجا کنگ ءِ ھاتر ءَ المی ئیں فریم ورک ءِ نشاندہی کن اَنت، ایشی ءِ تہ ءَ شفافیت، انسانی نگرانی، تعصب ءِ کمی، ڈیٹا ءِ رکھینگ، عدالتی تربیت، احتساب، ءُ اے آئی اخلاقیات کمیٹی ءِ جوڑ کنگ ھوار اِنت کہ اے آئی کورٹ دی پاکستان ءِ ٹیکنالوجیز ءِ ذمہ وار ءُ شفافیں کارمردی ءِ نگرانی ءَ بہ کنت۔ ایشی ءَ ابید شنگھائی کمکی گل ءِ کانفرنس ءِ ساھت ءَ چیف جسٹس یحییٰ آفریدی ایران ءِ چیف جسٹس ءِ گوما دو نیمگی گپ ءُ تران کنت ءُ عدالتی تبادلہ ءُ وت مہ وتی کمک ءَ را گیش کنگ ءِ راہ ءُ درانی شوھازگ ءَ انت۔ اے گپ ءُ تران چہ میاں اوستمانی عدالتی کمک ءَ را گیش مھکم کنگ ءِ واستہ پاکستان ءِ جزم ءِ نشانی انت۔ شنگھائی کوآپریشن آرگنائزیشن کانفرنس ءَ پد چیف جسٹس یحییٰ آفریدی ترکی ءِ آئینی آمید گس ءِ صدر قادر اوزکایا ءِ ھاسیں دعوت ءِ رد ءَ استنبول ءِ تر ءُ تاب ءَ کنت۔ پاکستان ءِ چیف جسٹس ءِ 24 ءَ چہ 27 اپریل 2025ءَ ترکی ءِ تر ءُ تاب ءِ گمان اِنت، آئینی آمید گس ءِ 63می سالروچ ءِ مراگش ءَ بہر زورگ ءُ پاکستان ءُ ترکی ءِ عدالتی ادارگ آنی نیام ءَ وت مہ وتی کمک ءَ را گیش کنگ ءِ ھاترا۔ پاکستان ءِ سپریم کورٹ ءَ اے اُمیت ءِ درشانی کتگ کہ اے زمہ واری عدالتی کارکردگی ءُ انصاف ءِ رسائی ءَ را گہتر کنگ ءِ تہ ءَ مزنیں کردے پیلو کن اَنت ءُ کانفرنس ءَ بھر زوروکیں ملک آنی عدالتی نظام ءُ شہری آنی واستہ دوئیں نیمگ ءَ فائدہ مند بنت۔
