وفاقی وزیر زرئی کار ءِ گشگ انت کہ ما گوادر بندرگاہ ءَ را برآمداتی مرکز جوڑ کنیں، ما بندرگاہ ءِ رابطہ ءِ وسیلگ ءَ تجارت ءَ را دیم ءَ برگ لوٹیں

اسلام آباد۔19اپریل  (اے پی پی):وفاقی وزیر برائے میری ٹائم جنید انور چوہدری ءَ گوشت کہ گوادر بندرگاہ ءَ را برآمداتی مرکز جوڑ کنگ بیت، آ بندرگاہ ءِ ھمگرنچی ءِ وسیلگ ءَ تجارت ءَ را دیم ءَ برگ لوٹ اَنت، آ کراچی بندرگاہ ءَ چہ جیبوتی ءَ یک براہ راست شپنگ لائن ءِ جوڑ کن اَنت، ءُ آ نوکیں میری ٹائم ایسٹ افریقہ ءِ تجارتی راہداری ءِ گوما بندات کن اَنت۔ شمبے ءِ روچ ءَ وزارت بحری امور ءِ نیمگ ءَ چہ بحری تجارتی راہداری آنی دیمروئی ءِ ھوالگ ءَ جاڑی بوتگیں بیان ءِ تہ ءَ وفاقی وزیر بحری امور جنید انور چوہدری ءَ گوشت کہ مشرقی افریقہ ءِ ملک آنی گوما نوکیں بحری تجارتی راہداری آنی بندات کنگ بیت۔ وفاقی وزیر بحریہ امور ءَ گوشت کہ آ بندرگاہ ءِ رابطہ کاری ءِ وسیلگ ءَ تجارت ءَ را دیمروئی دیگ لوٹ ایت۔ آئی ءَ گوشت کہ مشرقی افریقی کمیونٹی ءِ تہ ءَ 8 ملک ھوار اَنت، ایشی ءِ آبادی 500ملین ءَ چہ گیش اِنت۔ کراچی پورٹ ءَ چہ جیبوتی ءَ دیم پہ دیم شپنگ لائن جوڑ کنگ بیت۔ جیبوتی صومالیہ ءُ ایتھوپیا ءَ تجارتی رسائی ءِ دروازگ اِنت۔ جنید انور چوہدری ءَ گوشت کہ نوکیں شپنگ لائن ءَ چہ ڈیلیوری ءِ وھد ءُ ھرچ ءُ درچ ھم کم بیت۔ وزیر بحری امور ءَ گوشت کہ گوادر بندرگاہ ءَ را ایکسپورٹ ہب جوڑ کنگ بیت ءُ گوادر ءَ چہ میاں اوستمانی ءُ افریقہ ءَ دیم پہ دیم رسائی ءِ پجاری کنگ بیت۔ وفاقی وزیر ءَ گیش گوشت کہ تجارتی راہ آنی وسیلگ ءَ پاکستان ءِ برآمدات ءُ سیادی آناں دیمروئی رسیت، ایشی ءَ گوشت کہ مشرقی افریقہ ءِ مارکیٹ ءَ پاکستانی مصنوعات آنی مزنیں لوٹ ءُ گزر است انت۔ جنید انور چوہدری ءَ گوشت کہ کشت ءُ کشاری، ٹیکسٹائل ءُ ٹیکنالوجی ءِ تہ ءَ بازیں کاروباری موہ است انت۔ وفاقی وزیر ءَ گوشت کہ پاکستانی صنعت کار ءُ سرمایہ کار آناں براہ راست رسائی رس ایت۔