اسلام آباد۔19اپریل (اے پی پی):وفاقی وزیر خزانہ سینیٹر محمد اورنگزیب ورلڈ بینک گروپ / آئی ایم ایف ءِ بہار 2025 ءِ دیواناں بہر زورگ ءِ ھاترا امریکہ ءَ شتگ۔ ورلڈ بینک گروپ / آئی ایم ایف ءِ بہار ءِ دیوان دو شمبے 21 اپریل ءَ بندات بنت ءُ شمبے 26 اپریل ءَ آسر بنت۔شمبے ءِ روچ ءَ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ وزیر ھزانگ محمد اورنگزیب دیوان آنی تہ ءَ بھر زوری ءِ وھد ءَ ورلڈ بینک ءُ آئی ایم ایف ءِ مزنیں کارندہ آں گوں گند ءُ نند کنت۔ وتی تر ءُ تاب ءِ وھد ءَ وزیر ءِ ھزانگ چین، برطانیہ، سعودی عرب ءُ ترکی ءِ ھزانگ ءِ وزیر ءُ آھانی ھمکاراں گوں ھم گند ءُ نند کنت۔ امریکی محکمہ اسٹیٹ ءُ ٹریژری ءِ مزنیں حکام ءِ گوما گند ءُ نند ہم آئی ءِ تر ءُ تاب ءِ بہر انت۔ وزیر خزانہ تر ءُ تاب ءِ ساھت ءَ گلوبل کریڈٹ ریٹنگ ایجنسی، کمرشل ءُ انویسٹمنٹ بینک آنی کارندہ آں گوں ھم گند ءُ نند کنت۔ وزیر خزانہ سرمایہ کاری فورم ءُ سیمینار آں گوں تران کنان ءَ ملک ءِ اقتصادی نقطہ نظر ءَ را واضح کنت، ہمے وھد ءَ موسمیاتی کارروائی ءِ واستہ وزیر خزانہ ءِ اتحاد ءِ سیزدهمی وزارتی دیوان ءَ ہم بہر زوریت۔ وزیر خزانہ جیفریز انٹرنیشنل ءِ نیمگ ءَ برجم داشتگیں ادارگی سرمایہ کار آنی گوما گول میز ءِ سر ءَ گپ ءُ تران ءِ تہ ءَ ’’پاکستان ءِ اقتصادی نقطہ نظر، نوکیں مالیاتی ءُ مالیاتی دیمروئی ءُ اصلاحات ءِ سر ءَ پیشرفت ءُ آئی ایم ایف ءِ گوما ھوار بوھگ‘‘ ءِ سرھال ءِ سر ءَ گپ جنت۔ وفاقی وزیر خزانہ محمد اورنگزیب پاکستان ءَ برجاھیں اصلاحات ءُ آیوکیں چیلنج آنی ھوالگ ءَ سینٹر فار گلوبل ڈویلپمنٹ ءِ نیمگ ءَ برجم داشتگیں دیوان ءَ ھم گشتانک دنت ءُ گیٹس فاؤنڈیشن ءِ گلوبل پالیسی ءُ ایڈووکیسی ڈویژن ءِ صدر گرگی گھوش ءَ گوں گند ءُ نند کنت۔ ایشی ءَ ابید وزیر ءِ ھزانگ ھالینڈ ءِ ملکہ میکسیما ، اقوام متحدہ ءِ سیکرٹری جنرل ءِ مالیاتی جان سلامتی ءِ ھوالگ ءَ ھاسیں مشیر ءُ جی ٹوئنٹی گلوبل پارٹنر شپ فار فنانسل انکلوژن ءِ اعزازی سرپرست ءَ گوں ھم گند ءُ نند کنت۔ ایشی ءَ ابید وزیر خزانہ محمد اورنگزیب امریکی سروکیں تھنک ٹینک آنی تر ءُ تاب ءَ کنت ءُ ’’2025 ءُ ایشی ءَ پد پاکستانی معیشت ءِ دیم ءَ چیلنج ءُ موہ‘‘ ءِ سرھال ءِ سر ءَ اٹلانٹک کونسل ءَ گوں تران کنت۔ ایشی ءَ ابید وزیر ھزانگ محمد اورنگزیب ءَ گچین بوتگیں میاں اوستمانی ءُ امریکی میڈیا ءِ نمائندگاں گوں ھم گند ءُ نند کنت۔
