اسلام آباد۔18اپریل (اے پی پی): شنگھائی کوآپریشن آرگنائزیشن ءِ سیکرٹری جنرل نورلان یرمک بایف ءَ جمعہ ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت کہ آ پاکستان ءِ سرکاری تر ءُ تاب ءَ انت۔ نائب مزن وزیر ءَ یرمک بایف ءَ را ایس سی او ءِ نوکیں سیکرٹری جنرل ءِ بستار ءَ وتی ذمہ واری آنی سر ءَ زورگ ءِ سر ءَ مبارک بات دات ءُ آئی ءَ را ایس سی او ءِ سیکرٹریٹ ءِ واستہ پاکستان ءِ سرجمیں کمک ءِ دل یکیمی دات۔ درئی کارانی کارگس ءِ رد ءَ نائب مزن وزیر ءَ شنگھائی کوآپریشن آرگنائزیشن ءِ باسکیں ملک آنی گوما پاکستان ءِ نزیکیں سیادی آنی سر ءَ زور پر دات ءُ شنگھائی اسپرٹ ءِ برجائی ءِ واستہ پاکستان ءِ جزم ءِ سر ءَ پدا زور پر دات۔ آئی ءَ شنگھائی کمکی گل ءِ دمگی امن ءُ ایمنی ءِ دیمروئی ءِ ھاترا توانائی ءِ ساڑات۔ اے درگت ءَ نائب مزن وزیر محمد اسحاق ڈار ءَ شنگھائی کمکی گل ءِ میکانزم ءِ تہ ءَ پاکستان ءِ جوڑیشت ءِ ھوار بوھگ ءِ یک رندے پدا گوشت کہ ھاسیں رنگ ءَ دو نیمگی تجارت، ٹرانسپورٹ ءُ رابطہ کاری ءِ شوبگ آنی تہ ءَ وت مہ وتی کمک ءِ واستہ۔ سیکرٹری جنرل یرماکبایف ءَ مہمان داری ءِ سر ءَ پاکستان ءِ منت گپت ءُ شنگھائی کمکی گل ءِ کار آنی تہ ءَ پاکستان ءِ سرگرمیں بھر زوری ءِ ساڑات کت۔ آئی ءَ اکتوبر 2024ءَ اسلام آباد ءَ ایس سی او ءِ باسکیں ملک آنی حکومت ءِ سروک کونسل ءِ دیوان ءِ پاکستان ءِ نیمگ ءَ چہ سوبمندیں میزبانی ءِ توسیپ کت۔بیان ءِ رد ءَ دوئیں مہمان آنی نیام ءَ شنگھائی کمکی گل ءِ اولیت آنی سر ءَ جوانیں گپ ءُ تران بوتگ۔ آہاں ایس سی او ءِ چیر دستی ءَ ٹرانسپورٹ ءُ رسد، توانائی ءِ سلامتی، فوڈ سیکیورٹی، جان سلامتی، ای کامرس، ءُ سبزیں معیشت ءِ پڑ ءَ کمک ءَ را دیم ءَ برگ ءِ راہ ءُ در آنی سر ءَ ھیال ءُ لیکہ کت۔ ایس سی او یک دہ باسکی بین حکومتی بین علاقائی تنظیم انت کہ 15 جون 2001 ءَ جوڑ کنگ بوتگ۔پاکستان 2005 ءَ ایس سی او ءِ مبصر جوڑ بوتگ ءُ جون 2017 ءَ سرجمیں باسک ءِ بستار زرتگ۔
