اسلام آباد۔18اپریل (اے پی پی): مزن وزیر محمد شہباز شریف ءَ گوشت کہ ملک ءَ چہ ناشرکاری ءِ ھلاسی ءِ واستہ مئے جہاد برجاہ بیت، وفاقی حکومت ناشرکاری ءُ انتہا پسندی ءِ سرجمیں ھلاسی ءِ واستہ درستیں صوبگ آنی گنجائش ءَ را گیش کنگ ءِ واستہ سرجمیں رنگ ءَ کمک کنت ءُ ملک ءِ ایمنیں شہری منصوبگ آنی تہ ءَ گیش ءَ چہ گیش سرجم کنگ بہ بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ امن ءُ ایمنی ءِ جاور ھال ءِ ھوالگ ءَ مزن وزیر ءِ سروکی ءَ ھاسیں چار ءُ تپاسی دیوان برجم دارگ بوت۔ مزن وزیر ءَ گشتانک دیان ءَ گوشت کہ ملک ءَ چہ ناشرکاری ءَ را چیر دیئگ ءِ واستہ مئے جہاد برجاہ مان ایت، ما ناشرکار آناں انچیں کچلیں شکست دیاں کہ آ پاکستان ءَ گوں گندی چم ءَ چارگ ءِ جرات نہ کن اَنت، پاکستان ءِ دژمن مئے معاشی سوبمندی ءَ چہ ترسگ ءَ اَنت۔ مزن وزیر ءَ گوشت کہ ناشرکاری ءِ ھلاپ ءَ جوانیں گامگیج ءُ آپریشن ءِ ھوالگ ءَ توامیں ادارگ ءُ صوبگ آنی کوشست ستا کرز انت۔ وفاقی حکومت ناشرکاری ءُ انتہا پسندی ءِ سرجمی ءَ ھلاسی ءِ واستہ درستیں صوبگ آنی گنجائش ءَ را گیش کنگ ءِ واستہ سرجمیں رنگ ءَ کمک کنت۔ مزن وزیر ءَ گوشت کہ مارا وتی درستیں اختلاف شموشگی انت ءُ ناشرکاری ءِ ھلاسی ءِ واستہ یکجائی ءَ کار کنگی انت۔ مئے سیکورٹی فورسز ءِ دلیریں سرمچار ءُ افسر شپ ءُ روچ گوں ناشرکاراں جنگ ءَ اَنت ءُ وتی سراں ھم ندر کنگ ءَ اَنت۔ مزن وزیر ءَ ہدایت کت کہ درستیں ادارگ قاچاق ءِ ھلاپ ءَ وتی کوشستاں گیش کنگ بہ بنت، انسانی قاچاق ءِ نیٹ ورک ءِ محاصرہ ءَ را گیش تنگ کنگ بہ بیت ءُ قاچاق کنوکاں انصاف ءِ دیم ءَ آرگ بہ بیت، ملک ءِ ھاسیں شہر آنی تہ ءَ سیف سٹی منصوبگ زوتاں چہ زوت سرجم کنگ بہ بنت، فیڈریشن ءُ صوبہ ناشرکاری ءِ ھلاپ ءَ کار کنگ ءَ انت۔ دیوان ءَ ملک ءَ امن ءُ ایمنی ءِ برجائی ءِ واستہ کتگیں گامگیج آنی ھوالگ ءَ سرجمیں بریفنگ دیگ بوت، ایشی ءِ تہ ءَ ھال دیگ بوت کہ نیکٹا ءَ راجی ءُ صوبائی انٹیلی جنس فیوژن اینڈ تھریٹ اسیسمنٹ سینٹر جوڑ کنگ بوتگ۔ بریفنگ ءِ تہ ءَ ھال دیگ بوت کہ پنجاب ءِ دہ شھر آنی تہ ءَ سیف سٹی منصوبگ کار کنگ ءَ اِنت، کراچی، حیدرآباد، سکھر، لاڑکانہ، میر پور خاص ءُ نوابشاہ ءَ سیف سٹی منصوبگ جوڑ کنگ بوھگ ءَ اِنت، پشاور ءَ سیف سٹی منصوبگ منظور کنگ بوتگ؛ دیمتر ءِ بھر ءَ ڈیرہ اسماعیل خان، بنو، ءُ لکی مروت ءَ ایمنیں شہر ءِ منصوبگ آنی سر ءَ عمل کنگ بیت۔ بریفنگ ءِ تہ ءَ گوشگ بوت کہ گوادر سیف سٹی منصوبگ زوت سرجم کنگ بیت، وھدیکہ نیشنل ہائی وے این 25 ءُ نیشنل ہائی وے این 40 ءِ سر ءَ جاہ منندیں درستیں ھاسیں شھر آنی تہ ءَ سیف سٹی منصوبگ آنی سر ءَ عمل کنگ بیت۔ بریفنگ ءِ تہ ءَ گوشت کہ قاچاق ءِ گر ءُ دار ءِ واستہ جتا جتائیں شاہراہ ءُ پُل آنی سر ءَ ڈیجیٹل انفورسمنٹ اسٹیشن جوڑ کنگ بوھگ ءَ اِنت ءُ وفاقی ءُ صوبائی حکومت ملک ءِ ھاسیں شھر آنی کش ءُ گور ءَ سرجمیں ناجائزیں جوڑیشت آناں ھلاس کنگ ءِ واستہ گامگیج زورگ ءَ اِنت۔ بریفنگ ءَ گوشت کہ سرجمیں ملک ءَ فقیر آنی ھلاپ ءَ ھم کار کنگ بوھگ ءَ اِنت ءُ اے رنگیں عناصر آناں درملک ءَ روگ ءَ را گر ءُ دارگ ءِ ھاترا گامگیج کنگ بوھگ ءَ اِنت۔ اسلام آباد ءَ فرانزک سائنس ایجنسی جوڑ کنگ بوتگ وھدیکہ پنجاب ءَ فرانزک سائنس ایجنسی ءَ را گیش گہتر کنگ بوھگ ءَ انت۔ گند ءُ نند ءَ وفاقی وزیر قانون و انصاف اعظم نذیر تارڑ، وفاقی وزیر داخلہ محسن رضا نقوی ، وفاقی وزیر اقتصادی امور احد خان چیمہ ، وفاقی وزیر اطلاعات و نشریات عطاء اللہ تارڑ ، وزیراعظم کے مشیر برائے بین الصوبائی روابط رانا ثناءاللہ ، وزیر مملکت برائے داخلہ طلال چوہدری ، وزیر اعلیٰ خیبر پختونخوا کے مشیر اطلاعات بیرسٹر سیف، وزیر داخلہ گلگت بلتستان شمس الحق لون، وزیر داخلہ آزاد کشمیر کرنل ریٹائرڈ وقار نون، چاروں صوبوں ، گلگت بلتستان اور آزاد کشمیر کے چیف سیکریٹریز اور انسپکٹرز جنرل پولیس، چیف کمشنر اسلام آباد کیپیٹل ٹیریٹری ، آئی جی اسلام آباد پولیس ءُ ایندگر سیادی داروکیں سرکاری ادارگ آنی افسر آنی تہ ءَ بھر زوری بوت۔
