کوئٹہ۔ 18 اپریل (اے پی پی) بنجائی وزیر ڈٹ بندی احسن اقبال کوئٹہ ٹی وزیراعلیٰ بلوچستان میر سرفرازبگٹی تون اوڑدہی کرینے۔ بنجائی وزیر نا وزیراعلیٰ سیکرٹریٹ آ بننگ آ وزیراعلیٰ بلوچستان میر سرفرازبگٹی اودے جم وجوش اٹ بخیرکرے۔ داوخت آ وزیراعلیٰ و بنجائی وزیراحسن اقبال نا نیام اٹ اہم اوڑدہی مس کچھی کینال تون اوار برجاشونداری ڈٹ آتیا سرجمی اٹ گپ وتران کننگا۔ ہڑتوم آ راہشونک بلوچستان نا شونداری، وسیلہ غاتا بشخنگ و ڈٹ بندی آ سلابت کننگا۔ بنجائی وزیر ڈٹ بندی احسن اقبال پارے کہ بنجائی حکومت بلوچستان تون پورو کمک کننگ ءِ، شونداری عمل اٹی بنجائی شریداری ستاکڑزک، صوبہ ٹی برجاڈٹ آک السی آسودہی نا کنڈآ سہی ءُ گام اسے، بنجائی و صوبائی ہم آہنگی اٹ بلوچستان نا شونداری ءِ پک کینہ اوڑدہی ٹی صوبائی پارلیمانی سیکرٹری ہم ساڑی ئسک۔
