اسلام آباد۔ 18 اپریل (اے پی پی) وزیراعظم محمد شہباز شریف ایف بی آر نا آفیسر آتا کارکڑد ءِ ہُننگ کن خودکار، ڈیجیٹل نظام نا بناءِ کرے۔ جمعہ نادے آ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف ایف بی آر ہیڈکوارٹرز نا دورہ ءِ کرے۔ وزیراعظم ءِ پرال، ڈیجیٹل انوائسنگ و پرفارمنس مینجمنٹ سسٹم نا بابت حوال اتون اوار اوار ایف بی آر نا پوسکن ڈلیوری یونٹ نا دورہ و آفیسر آتون اوڑدہی کرفنگا۔ وزیراعظم ءِ پاننگاکہ ایف بی آر اٹی ڈیٹانا بنداو آ فیصلہ سازی نا نظام درستی راستی کرفنگ انگ ءِ ہراٹی نادرا، بینکنگ و ایلو بشخ آتیان ادائیگی و میرات جاٹ انا ہلنگ نا ڈیٹاہلسا کننگانے۔ ایف بی آر ءِ جہانی آب اتون ہم گرنچ کننگ و خراج بیس اٹی ودکی کن ایف بی آر پوسکن آ خودکار نظام نا اطلاق کن گام گیج کننگ ءِ۔ وزیراعظم نا ایف بی آر نا اصلاحات و ڈیجیٹائزیشن نا وژن نا رداٹ مچ آ ویلیو چین ءِ ڈیجیٹائز کننگ انگ ءِ۔ داکان بیدس ڈیجیٹل انوائسنگ نا غٹ تر تیاریک پورو ءُ، ہرانا زوت بناءِ کننگک۔ حوال اٹی پاننگاکہ برجامالی سال اکن خراج گوشوارہ غاتے پین آسان کننگانے، پوسکن آ نظام نا رداٹ 35 آن زیات دُن ءُ پین کمپنی خراج نظام اٹی اوار مسنو۔ وزیراعظم ایف بی آر نا آفیسر آتا کارکڑد ءِ گچین کننگ و سزاوجزا نا اصول ءِ مون آتخسا آفیسر آتا کارکڑد نا جاچ ءِ ہلنگ کن پورووڑاٹ خودکار و ڈیجیٹل نظام نا بناءِ ہم کرے۔ نظام نا رداٹ آفیسر آتا کارکڑد نا جاچ ءِ ہلنگ آن پد اوفتے مالی فائدہ و ترقی میسر مننگ کیک۔ وزیراعظم ءِ ایف بی آر نا پوسکن جوڑ کروک ڈلیوری یونٹ نا دورہ ءِ ہم کرفنگا ہراٹی آفیسر آتون اوڑدہی تون اوار اوار وزیراعظم نظام نا جاچ ءِ ہم ہلک۔ وزیراعظم نظام نا ستاءِ کرساپارے کہ ایف بی آر ڈلیوری یونٹ نا آفیسر آک ملک و قوم انا نہادی میرات ءُ۔ اودااومیت نا درشانی ءِ کرے کہ داآفیسر آک ملک انا خراج نظام ءِ ساڑی آ خواست آتون ہم گرنچ کننگ و ملکی کٹیا ٹی ودکی ٹی اہم کڑد ادا کیرہ۔
