اسلام آباد۔17اپریل (اے پی پی): مزن وزیر محمد شہباز شریف ءَ گوشت کہ ملک ءِ معیشت مھکم بوتگ، راج دیمروئی ءُ وشھالی ءِ سفر ءَ بندات کتگ، سرجمیں توان ءُ دلجمی ءَ گوں ٹیم پاکستان ملک ءَ را دیمروئی ءِ نیمگ ءَ برگ ءَ انت، شارٹ بچیستان ءِ ہائی وے ءَ مخالفت کنگ بیت۔ تنگ نظریں اے منصوبہ بلوچستان ءِ مہلوک ءِ دل ءِ توار انت، سیاسی ءُ فوجی سروکی ءَ یکجاہ دیم ءَ روگ ءِ وژن است انت، اے منصوبہ 2 سال ءَ سرجم بیت، اسلام آباد ءَ نوکیں چوک ءِ نوک کنگ ءُ جوڑ کنگ ءَ چہ بنجاھی دارالحکومت ءَ گیشتر زیبائی ءُ گہتری آرگ بیت۔ اے ھیالانی درشانی آئی ءَ پنچ شمبے ءِ روچ ءَ جناح اسکوائر مری روڈ اینڈ پاس ءِ بُن ھشت ایر کنگ ءِ مراگش ءَ گشتانک دیان ءَ کت۔ اے موہ ءِ سر ءَ بنجاھی وزیر، ھاسیں کمکار، اسمبلی ءِ باسک، ءُ بنجاھی حکومت ءِ مزنیں کارندہ ھم ھوار بوتگ اَنت۔ مزن وزیر ءَ بنجاھی دارالحکومت ءَ توسیپ ءُ نوک جوڑی ءِ منصوبگ آنی سر ءَ وزیر ءِ تہی کار ءُ آئی ءِ ٹیم ءَ را مبارکی دیان ءَ گوشت کہ اسلام آباد ءَ ٹریفک ءِ نظام ءَ سک باز گہتری اتکگ۔ نوکیں منصوبہ اسلام آباد ءَ را گیش زیبائیں شہر جوڑ کن انت۔ اسلام آباد ءِ پُل ءُ بوٹگ بنجاھی دارالحکومت ءِ زیبائی ءَ را گیش کنگ ءَ انت۔ اسلام آباد ءَ نا ایوک ءَ پاکستان ءَ بلکینگ ءَ دمگ ءَ ھم زیبائی ءِ درور جوڑ کنگ بیت ۔ مزن وزیر ءَ اے امیت سہرا کت کہ چوک ءِ جوڑیشت ءِ ٹارگٹ 60روچ ءِ بدل ءَ 35 روچ ءَ سرجم کنگ بیت، آئی ءَ گوشت کہ اے شہباز ءِ سپیڈ نہ اِنت، نہ محسن ءِ سپیڈ اِنت، اے پاکستان ءِ سپیڈ اِنت۔ یکجائی کوشست آں چہ پاکستان ءِ جھان ءِ درجہ بندی گہتر بوتگ ۔ ملک ءِ معیشت ءِ تہا برجائی بوتگ۔ راج ءَ دیمروئی ءُ وشھالی ءِ سفر ءِ بندات کتگ۔ سرجمیں طاقت ءُ دل یکیمی ءَ گوں ٹیم پاکستان پاکستان ءِ دیمروئی ءِ سفر ءَ بندات کنت۔ مزن وزیر ءَ گوشت کہ کراچی، کلات، خزدار، کوئٹہ، چمن شاہراہ (این 25) بلوچستان ءِ الس ءَ را فیڈریشن ءِ نیمگ ءَ چہ یک ٹیکی یے۔ اے خونی شاہراہ ءَ 2000 جان نگل اتگ، نوں اے موٹروے ءِ رنگ ءَ جوڑ کنگ بیت ءُ من ذاتی نگرانی ءَ کناں۔ مزن وزیر ءَ گوشت کہ ما پٹرولیم ءِ چیز آنی نہاد ءَ گیش نہ کتگ، بلے گوستگیں 15 روچ آنی تہ ءَ ھما پیسہ کہ کم بوتگ آ پیسہ پاکستان ءِ جغرافیائی رد ءَ مستریں صوبہ بلوچستان ءَ یک ھاسیں شاہراہ ءِ جوڑ کنگ ءِ واستہ کارمرد کنگ بوھگ ءَ انت۔ مزن وزیر ءَ گوشت کہ 2010 ءَ این ایف سی ایوارڈ ءِ تہ ءَ بلوچستان ءِ بھر سد درسد گیش کنگ بوتگ۔ اے پیسلہ چاریں صوبہ ءُ فیڈریشن ءِ نیمگ ءَ یکجائی ءَ کنگ بوتگ۔ ایشی ءِ مستریں بہر چہ پنجاب ءَ ات، من وت ہما زمانگ ءَ پنجاب ءِ چاکر اتاں۔ بلوچستان ءِ تہا دُور سداں نہ بلکیں ہزاراں میل اَنت۔ ہمے بنیاد ءَ بلوچستان ءَ سرمایہ کاری کنگ بہ بیت۔ مہلوک ءَ گوں وشی ءَ مئے فیصلہ من اِتگ۔ پنجاب، سندھ ءُ خیبر پختونخوا ءَ موٹروے است انت۔ پہ بلوچستان ءَ چشیں مزنیں پروجیکٹے ساعت ءِ لوٹ ءُ مئے بلوچستان ءِ نندوکیں برات ءُ گھارانی دل ءِ توار اِنت۔ اے منصوبہ ءِ مخالفت کوتاہ نظری ءُ تنگ نظری ءِ بیت۔ پاکستان 4 بنجاھی یونٹاں چہ جوڑ بوتگ، ایشی ءَ ابید گلگت بلتستان ءُ آزات کشمیر ھم ھوار انت۔ ایشی ءِ دیمروئی پاکستان ءِ دیمروئی اِنت، کجام ھم یک بنجاھی یونٹے ءِ پد منتگ بوھگ پاکستان ءِ دیمروئی ءَ را تاوان دنت۔ اے سیاسی ءُ فوجی سروکی ءِ وژن اِنت کہ آ یکجاہ ءَ گوں ھرکس ءَ دیم ءَ بہ رو اَنت۔ مزن وزیر ءَ گوشت کہ اے شاہ راہ ءَ را یک مزنیں کوالٹی ءِ منصوبگ جوڑ کنگ بیت۔ 2022-23 ءَ وھدے ایشی ءِ بُن ھشت ایر کنگ بوتگ گڑا 100کروڑ کلدار ءِ تخمینہ بوتگ۔ 214ارب کلدار ءِ اندازہ ایشی ءِ ھاتر ءَ کنگ بوتگ۔ مرچی ایشی ءِ تخمینہ ءِ ھرچ ءُ درچ 300ارب کلدار ءَ چہ گیش بوتگ۔ اے پروجیکٹ 2سال ءَ سرجم بیت ءُ ایشی ءِ سرجم بوھگ ءَ گوں بلوچستان ءِ مھلوک ایشی ءِ سر ءَ پھر کنت ءُ ھونیگیں راہ دیمروئی ءُ وشھالی ءِ یک راہ ءِ تہ ءَ بدل بیت ۔ ایشی ءَ چہ پیسر مزن وزیر ءَ جناح اسکوائر مری روڈ ءُ پاس ءِ بُن ہشت ایر کت۔ مراگش ءَ گوں گشتانک دیان ءَ محسن نقوی ءَ گوشت کہ آیوکیں روچ آنی تہ ءَ اسلام آباد ءَ را گیش زیبا جوڑ کنگ بیت۔ مزن وزیر 60 روچ ءِ بدل ءَ 35 روچ ءَ پد انڈر پاس ءِ بنگیج ءَ کنت نوں اسلام آباد ءِ چوراہگ آنی سر ءَ ھم کار بندات بوتگ۔ فیصل مسجد چوک ءَ ٹریفک ءِ روانی ءَ را کم کنگ ءِ واستہ کار بندات بوتگ ۔ پارکنگ ءِ جیڈھ آنی گیواری ءِ واستہ گامگیج کنگ بوھگ ءَ انت۔ بلو ایریا ءِ مستریں پارکنگ پلازا بند کنگ بوتگ ءُ پدا پچ کنگ بوھگ ءَ اِنت۔ اسلام آباد پولیس ءِ تہ ءَ پنچ ءَ چہ ھپت سد کارندہ ءُ افسر آنی تہ ءَ یک جتاھیں ٹریفک کیڈر جوڑ کنگ بیت۔ لہتیں جاہاں پارکنگ فیس ءِ جار جنگ بوہگ ءَ انت۔ سڑکاں پارکنگ ھلاس کنگ بیت۔
