اسلام آباد۔14اپریل (اے پی پی): نائب مزن وزیر ءُ دری کارانی وزیر ایس محمد اسحاق ڈار ءَ گوں دولت مشترکہ ءِ جنرل سیکرٹری شرلی بوچوے ءَ گپ ءُ تران کت۔ درئی کارانی کارگس ءِ جارچین ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ آئی ءَ را سیٹ ءِ سر ءَ نندگ ءِ سر ءَ مبارکی داتگ ءُ آئی ءَ را پاکستان ءِ نیکیں واھگ سر کتگ اَنت۔ آئی ءَ دولت مشترکہ ءِ سیکرٹری جنرل ءَ را زوتاں چہ زوت پاکستان ءِ تر ءُ تاب ءِ دعوت ھم داتگ۔ سیکرٹری جنرل ءَ نائب مزن وزیر ءُ پاکستان ءِ شگر ءُ منت گپت کہ آئی ءَ را سیکرٹری جنرل گچین کنگ ءِ واستہ برجاھیں کمک کتگ ۔ آئی ءَ گوشت کہ آ نزیکیں وھد ءَ پاکستان ءِ تر ءُ تاب ءِ واستہ ودار آں۔
