اسلام آباد۔ 14 اپریل (اے پی پی) اسپیکر قومی اسمبلی سردار ایاز صادق پارے کہ پیشن نا ملک پاکستانی ننا میرات ءُ ، اوفتے مون تروک غٹ ویل آتا ایسری کن وزارت خارجہ، وزارت خزانہ، سمندر پار پاکستانی تا وزارت، اسٹیٹ بینک و نادرا تون اوار غٹ تعلقدار ادارہ غاتیا تالان اسہ کمیٹی اس جوڑ کننگے ہرا ویل آتا ایسری کن تجاویز مرتب کرسا بنجائی کابینہ ءِ پیش کے، قومی اسمبلی ٹی داویل آتا ایسری کن کانودسازی کننگک و صوبہ غاتون ای تینٹ ہیت کیوہ، پیشن نا ملک رہینگوک پاکستانیک اگہ تکرہ کہ اوفتے گچین کاری تیٹی بشخ ہلنگ نا موکل تننگے تو او دا چرجوئی ٹی تینا تینا جماعت آتون ہیت کیر، اسہ ہیت اس ہم آخیریکو لوز مفک داملک انا حقی سفیر ءُ، اوفتے ہمو عزت و شرف ملے ہرانا دا حقدار ءُ۔ داخیال آتا درشانی ءِ او دوشنبے نادے آ اوورسیز پاکستانیز نا اولیکو سالانہ کنونشن آن تران کرساکرے۔ اسپیکر پارے کہ سمندر پارپاکستانی ملک انا نہادی میرات ءُ انتئے کہ اوفتا مون تروک آ زرراہی تس ننا برآمد آتیان ہم زیات ءُ، اگہ نن ایکسپورٹراتے ریلیف تننگ کینہ تو اوفتے ہم ریلیف بایدے تننگے، پیشن نا ملک اہم سفارت خانہ غاتیٹی زیات زرراہی تس گدریفوک آ سمندر پار پاکستانی تے ہم ہمو ہند و مرتبہ لے ہرا وزیر، ارلیمنٹ نا باسک و ننے دوئی ءِ۔ اوسلاہ تس کہ ملک انا خذمت کروک آ دا پاکستانی تے ہم اعزازی وڑاٹ سفیر مقررکننگے۔
