اسلام آباد۔ 14 اپریل (اے پی پی) ریکوڈک ڈٹ پاکستان نا زرگزران، معدنی وسیلہ و درملکی زرکاری نا بشخ اٹی اسہ گیم چینجر اسے نا وڑاٹ مون آ بننگ ءِ۔ اسپیشل انویسٹمنٹ فیسلی ٹیشن کونسل (ایس آئی ایف سی) نا کمکی و بڑزکو کہولی کمکاری نا نتیجہ ٹی دا ڈٹ عملی پیش رفت نا اسہ پوسکن ءُ ریسہ سے ٹی پترینگانے۔ پاکستان منرلز انویسٹمنٹ فورم 2025 نا اڈتننگ نا مسخت جہانی زرکارآتا چکار ءِ ریکوڈک تون اوار ایلو نہادی معدنی کوڑی تا کنڈآ کرفنگ ءِ۔ فورم نا کمک اٹ پاکستان جہانی کہول آ تینا معدنیاتی وسیلہ غاتا فائدہ و زرکاری نا وارخواہی تے تالان کرینے۔ ساڑی آ پیش رفت اٹی ریکوڈک ڈٹ انا فزیبلٹی رپورٹ پورو مننگ آن پد اولیکو ریسہ ٹی شونداری سرمایہ نا باقاعدہ منظوری تننگانے۔ ڈٹ جم وڑاٹ 74 ارب ڈالر نا فری کیش فلواتون پاکستان نا زرگزران کن اسہ بھلو مزل اس جوڑمریک۔ ریکوڈک ڈٹ بیریک گولڈ، حکومت ءِ پاکستان و حکومت ءِ بلوچستان نا اسیجائی شریداری نا رداٹ برجاءِ، ہراڑآن اودے دیرپا سوگوی و شفافیت دوئی مننگ ءِ۔ ڈٹ انا سالانہ پراسیسنگ لائخی ءِ 2034اسکان 4.5 کروڑ ٹن آن ودفسا 9 کروڑ ٹن کننگک۔ دا ڈٹ آن 4 ہزار ہندی بندغ آتے مریس مدی روزگار نا وارخواہی دوئی مریک، وخت اس کہ تعمیراتی ریسہ ٹی 7،500آن زیات ملازمت آتا وارخواہی ہم ودی مریک۔ پوسکن آ مشینری و جہانی آب انا ٹیکنالوجی تا کاریم اٹ اتنگ آن پاکستان نا کانڑ کنی نا بشخ اٹی پوسکن ءُ کسر ملنگ انگ ءِ، ہراڑآن نئے بیرہ ملکی وسیلہ غاتا گچین کاریم اٹ اتنگ ممکن مریک بلکن جہانی کہول آ پت ہم ودک۔ ایس آئی ایف سی نا فعال کڑد و کمکی آن ریکوڈک ڈٹ پاکستان نا معدنیاتی بشخ اٹی ودکی و درملکی زرکاری ٹی ودکی نا سوب جوڑ مننگ ءِ۔
