اسلام آباد۔14اپریل (اے پی پی): پاکستان ءُ جمہوریہ کوریا ءِ نیام ءَ اقوام متحدہ ءِ امن مشن ءِ سیمی وزارتی دیوان ءِ میزبانی 15 ءُ 16 اپریل ءَ اسلام آباد ءَ بیت۔ دری کارانی کارگس ءِ جارکش ءِ نیمگ ءَ جاڑی بوتگیں پریس ریلیز ءِ رد ءَ پاکستان جمہوریہ کوریا ءِ شریکداری ءَ اسلام آباد ءِ نیشنل یونیورسٹی آف سائنسز اینڈ ٹیکنالوجی ءَ اقوام متحدہ ءِ امن مشن آنی وزارتی کمیٹی ءِ سیمی دیوان ءِ میزبانی ءَ کنت۔ اے دیوان ءَ چہ اقوام متحدہ ءِ امن ءِ جوڑیشت ءِ ھوالگ ءَ آیوکیں وزارتی دیوان ءِ واستہ پڑ جوڑ کنگ بیت کہ اے سال ءِ 13 ءُ 14مئی ءَ جرمنی ءِ شہر برلن ءَ برجم دارگ بیت ایشی ءِ تہ ءَ ’’امن ءُ گیش موثر امن ءِ جوڑیشت ءِ نیمگ ءَ: ٹیکنالوجی ءُ یکجاھیں رھبند ءِ کارمردی‘‘ ءِ سرھال ءِ چیر دستی ءَ جھان ءِ ھواریں مردم یکجاہ بنت۔ اقوام متحدہ ءِ اے دو سالی دیوان ءَ درئی کار ءُ دفاع ءِ وزیر امن ءِ برجائی ءِ کارروائی آناں مھکم کنگ ءِ سر ءَ دلگوشی دنت۔ اسلام آباد ءَ برجم دارگ بوؤکیں دیوان ءَ پاکستان ءِ مزنیں اگدہ دار ءِ ھواری ءَ اقوام متحدہ ءِ مزنیں اگدہ دار ھم بھر زوری کن اَنت ایشی ءِ تہ ءَ امن ءِ برجائی ءِ آپریشن ءِ انڈر سیکرٹری جنرل پرل لاکرو ءُ آپریشنل سپورٹ ءِ انڈر سیکرٹری جنرل اتول کھارے ھوار اَنت۔ اسلام آباد ءَ دو روچی کانفرنس ءَ امن ءِ برجائی ءِ آیوکیں وھد ءِ سر ءَ پینل ءِ گپ ءُ تران کنگ بیت، ایشی ءِ تہ ءَ امن ءِ برجائی ءِ کارروائی آنی دیم ءَ اوشتاتگیں چیلنج ھوار اَنت، ایشی ءِ تہ ءَ امن ءِ برجائی ءِ آیوکیں وھد ءَ را ایمن ءُ موثر جوڑ کنگ ءِ تہ ءَ ٹیکنالوجی ءِ کرد ھوار اِنت، ٹیکنالوجی ءِ کارمرد کنگ ءَ امن ءِ برجائی ءِ دمگ ءِ یونائیٹڈ حمایتی فورسز ءِ ایمنی ءُ ایمنی ءِ ھترہ آنی ھلاپ ءَ کار کنگ بیت۔ امن ءِ برجائی ءِ کارروائی، امن ءِ برجائی ءِ فورسز ءِ موثر کارکردگی، ءُ امن ءِ جوڑ کنگ ءُ برجائی ءِ یکجاھیں رھبند ءِ سرا چمشانک دیگ بوتگ۔ بالان ءِ رد ءَ اے گند ءُ نند ءَ چہ اقوام متحدہ ءِ امن مشن ءِ گوما پاکستان ءِ عزم ءُ جزم ءَ را پدر کنگ ءِ موہ رس ایت۔ پاکستان اقوام متحدہ ءِ فوجی کمک ءَ کنوکیں مزنیں ملکانی تہا ہوار انت۔ پاکستان ءَ گوستگیں ماہ ءِ تہ ءَ اقوام متحدہ ءِ 48 مشن آنی تہ ءَ 235ہزار امن برجوش ایر کتگ اَنت وھدیکہ 181 پاکستانی امن برجوش آناں میاں اوستمانی امن ءُ ایمنی ءِ ھزمت ءَ ابدمانیں قربانی داتگ اَنت۔ وزیر ءَ گیش گوشت کہ پاکستان ءِ نیمگ ءَ چہ طیب سروک دیوان ءِ میزبانی ءَ چہ اقوام متحدہ ءِ امن مشن آنی واستہ وتی برجائی ءِ عزم ءُ امن ءُ ایمنی ءِ یکجائی دیمروئی ءِ واستہ وتی مھکمیں کرد ءِ درشان کنگ بیت چوشکہ اقوام متحدہ ءِ منشور ءِ تہ ءَ پیش کنگ بوتگ۔
