اسلام آباد۔14اپریل (اے پی پی): بنجاھی وزیر ءِ مالیات ءُ آمدنی ءَ گوشت کہ ملک ءِ دیم ءَ مالی جیڈھ آناں گیواری ءُ السی دیمروئی ءِ ضلورت ءِ گیش ءُ گیوار ءِ تہ ءَ مالیاتی جیڈھ آناں گیش ءُ گیوار کنگ ءِ واستہ انٹرنیشنل فنانس کارپوریشن ءِ وڑیں میاں اوستمانی ادارگ آنی مہارت ءُ مالی وسیلگ آناں کارمرد کنگ المی اِنت۔ آئی ءَ اے گپ انٹرنیشنل فنانس کارپوریشن ءِ مزنیں تک ءِ ڈل ءَ گوں گند ءُ نند ءِ وھد ءَ کتگ ات کہ آئی ءِ سروکی ءَ آئی ایف سی ءِ گلوبل ڈائریکٹر برائے پبلک پرائیویٹ پرائیویٹائزیشن ءُ کارپوریٹ فنانس ایڈوائزری لنڈا روڈو موننگیترووا ات۔ اے گند ءُ نند وزارت ءِ ھزانگ ءَ بوت۔ گند ءُ نند ءِ ساھت ءَ مونینگیٹرووا ءَ آئی ایف سی ءِ پاکستان ءِ گوما یکوئی ءِ سر ءَ زور پر دات ءُ ملک ءِ برجاھیں میکرو اکنامک اصلاحات، سرمایہ کاری ءُ نجکاری ءِ گامگیج آنی کمک ءِ تہ ءَ مزنیں دلگوشی ءِ درشان کت۔ ڈل ءَ گوشت کہ آ پاکستان ءَ گوں پچیں ھیال ءَ اتکگ اَنت تانکہ کلدانی حکومتی سٹیک ہولڈر آنی گوما شور ءُ سلاھ ءَ مارکیٹ ءِ ارزشت ءُ سرمایہ کاری ءِ بوت کنوکیں دمگ آناں پجارینگ بہ بیت۔ ڈل ءَ گوشت کہ آئی ایف سی ءَ را سرجمیں دگنیا ءِ جتا جتائیں شوبگ آنی تہ ءَ مزنیں تجربگ است انت، ایشی ءِ تہ ءَ انفراسٹرکچر، توانائی، ٹرانسپورٹ، سرکاری ملکیت ءُ نجکاری ھوار انت، ایشی ءَ چہ پاکستان ءِ دیمروئی ایجنڈا ءِ کمک ءِ واستہ کارمرد کنگ بوت کنت۔ ڈل ءَ پاکستان ءِ گوما ممکنہ شراکت داری ءُ سرمایہ کاری ءِ موہ آنی پٹ ءُ پول ءِ واستہ سک باز واھشت ءِ درشان کت۔ بنجاھی وزیر خزانہ ءَ آئی ایف سی ءِ ڈل ءَ را وش آتک کنان ءَ ادارگ ءِ تکنیکی مہارت ءُ جتا جتائیں شوبگ آنی تہ ءَ مشاورتی کمک ءِ ساڑات کت۔ آئی ءَ گوشت کہ پاکستان ءَ میکرو اکنامک استحکام بحال کتگ، ایشی ءَ چہ اقتصادی مھکمی ءِ بنیات پجاری بیت۔ وزیر خزانہ ءَ اے استحکام ءِ برجائی ءُ دراجیں مدتی ءُ پائیدار اقتصادی دیمروئی ءِ دیمروئی ءِ ھاتر ءَ حکومت ءِ عزم ءِ یک رندے پدا گوشت۔ آئی ءَ اے گپ من اِت کہ آئی ایف سی ءِ وڑیں میاں اوستمانی ادارگ آنی مہارت ءُ مالی وسیلگ آناں کارمرد کنگ المی اِنت تانکہ سرکاری مالیات ءِ انتظامی ءُ دیمروئی ءِ ضلورت آنی دیم ءَ مالی چیلنج آنی گیواری کنگ بہ بیت۔ آئی ءَ اے گپ ءِ سر ءَ زور پر دات کہ سرکاری ءُ نجی شریکداری ءِ ماڈل المی اصلاحات آنی سر ءَ عمل درآمد ءُ کارآمدیں توانائی، ٹرانسپورٹ ءُ انفراسٹرکچر ءِ نظام آنی دیمروئی ءَ را توانمند جوڑ کنت۔ آئی ایف سی ءِ ڈل ءَ پاکستان ءَ اسٹیک ہولڈرز ءِ گوما نزیکی ءَ کار کنگ ءِ وتی عزم ءِ یک رند ءَ پدر کت ءُ دراجیں مدت ءُ ھواریں اقتصادی دیمروئی ءِ ھاترا مشورہ ءِ ازمت ءُ سرمایہ کاری کمک ءِ پجارینگ ءِ وعدہ کت۔
