اسلام آباد۔14اپریل (اے پی پی): راجی اسمبلی ءِ اسپیکر سردار ایاز صادق ءَ گشتگ پاکستانی مئے دولت ءُ مڈی انت ۔ ایشانی دیم ءَ اوشتاتگیں درستیں جیڈھ آنی گیواری ءِ واستہ وزارت درئی کار، وزارت خزانہ، وزارت اوورسیز پاکستان، اسٹیٹ بینک ءُ ناڈرا ءِ ھواریں کمیٹی جوڑ کنگ بہ بیت کہ آ جیڈھ آنی گیواری ءِ واستہ شور ءُ مشور جوڑ بہ کنت ءُ بنجاھی کابینہ ءَ پیش بہ کنت۔ اے جیڈھ آنی گیش ءُ گیوار ءِ واستہ قومی اسمبلی ءَ کانود جوڑ کنگ بیت ءُ من وت گوں صوبہ آں گپ کناں۔ اگاں پاکستانیانی حیال انت کہ آہاں موکل دیگ بہ بیت گچین کاری ءَ بہر زور انت گڈا آ اے درگت ءَ گوں وتی وتی پارٹیاں گپ بہ کن انت۔ اے گپ ءِ تہا ہچ مول ءُ مراد نیست۔ اے ملک ءِ اصل سفر اِنت۔ آہاں ہما احترام ءُ عزت رسگ لوٹیت کہ آہانی مستحق انت۔ اے ھیالانی درشانی آئی ءَ اوورسیز پاکستانی آنی اولی سالی کنونشن ءَ گوں تران کنان ءَ کت۔ اسپوکی ءَ گوشت کہ اوورسیز پاکستانی ملک ءِ ارزشتی ایں مڈی انت پرچا کہ آہانی حوالہ جات مئے برآمدات ءَ چہ گیش انت۔ اگاں ما برآمد کنوکاں زرّ ءِ واپسی دات کنیں گڑا آھاں ھم زرّ ءِ واپسی دیگ بہ بیت۔ اوورسیز پاکستانی کہ درملک ءَ ھاسیں سفارت خانہ آں گیشتر زرّ دیم دینت آھاں ھم ھمے بستار ءُ بستار دیگ بہ بیت کہ وزیر، پارلیمنٹ ءِ باسک ءُ مارا ھست۔ آئی ءَ سوج دات کہ اے پاکستانی آں ملک ءِ حذمت کتگ آہاں ہم اعزازی تر ءُ تاب دیگ بہ بیت۔ سردار ایاز صادق ءَ گوشت کہ من کنونشن ءِ تہ ءَ چست کتگیں جیڈھ آنی سرجمیں رنگ ءَ حمایت کن آں، البت ایشانی گیواری ءِ واستہ وزارت درئی کار، وزارت خزانہ، وزارت اوورسیز پاکستان، اسٹیٹ بینک ءُ نادرا ءِ سر ءَ ھواریں کمیٹی جوڑ کنگ بہ بیت، کہ آ ایشانی گیواری ءِ واستہ سفارشات جوڑ بہ کنت ایڈوان ءَ پد ایشانی گیش ءُ گیوار کنگ ءَ پد ایشانی گیش ءُ گیوار کنگ بہ بیت۔ نقصانات ءِ سرا گڈی رپورٹ بنجاھی کابینہ ءَ پیش کنگ بہ بیت کہ ایشی ءِ سرا راجی اسمبلی ءَ گپ ءُ تران کنگ بہ بیت ءُ پدا آہانی گیش ءُ گیوار ءِ ھاترا باقاعدہ قانون سازی کنگ بہ بیت۔ درملکی پاکستانی آں گوں تران کنان ءَ آئی ءَ گوشت کہ قومی اسمبلی شمئے اِنت، ما اے معاملہ ءَ وتی سرجمیں کرد ءَ پیلو کنگ ءَ ساڑی آں۔ اگاں شما اے گپ ءِ سر ءَ باور کن اِت کہ گچینکاری ءَ بہر زورگ ءِ اجازت دیگ بہ بیت گڑا اے درگت ءَ وتی وتی گلاں گوں گپ ءُ تران بہ کن اِت دانکہ ایوان ءَ اے شور ءُ مشور ءِ سر ءَ چار ءُ تپاسی ءَ پد گڈی گیواری ءِ سر ءَ سر بہ بیت۔ آہاں گوشت کہ ہرچی بہ بیت مئے لوٹ انت کہ پاکستان برفون ملک ءِ مہلوک ءِ جیڑہ ءُ جیڑہ گیش ءُ گیوار بہ بنت۔ آئی ءَ گوشت کہ اوورسیز پاکستانی آنی زمین آنی سر ءَ تجاوزات ءِ شکایت آناں گیواری ءِ واستہ تحصیلدار، پٹواری، ایس ایچ او ءُ ایس پی درستاں جہاز ءِ سر ءَ آرگ بہ بیت۔ من ذاتی رنگ ءَ اے درگت ءَ درستیں صوبہ آں گوں گپ ءُ تران کناں۔ اسپیکر ءَ گوشت کہ منی گند ءُ نند ءَ دری مردم کاینت۔ پاکستان ءَ نندوکیں دری مردم آنی پاسپورٹ ءُ شناسنامہ ءِ جیڈھ ءِ گیش ءُ گیوار ءِ واستہ آنلائن سسٹم جوڑ کنگ بہ بیت۔ اے وھد ءَ ملک ءَ ڈیٹاائزیشن ءِ سر ءَ کار بوھگ ءَ انت ءُ ما پیپر لیس نظام ءِ نیمگ ءَ روگ ءَ ایں ۔ ہچ پاکستانی ءَ کارگس ءَ روگ ءِ زلورت مہ بیت۔ آئی ءَ را آن لائن آٹومیٹک سسٹم ءِ چیر دستی ءَ چہ وتی لوگ ءِ آرام ءَ وتی پاسپورٹ ءُ شناختی کارڈ ءِ گرگ ءِ آسراتی دیگ بہ بیت۔
