اسلام آباد۔14اپریل (اے پی پی): مزن وزیر محمد شہباز شریف ءَ راجدپتر ءِ تہ ءَ اولی رند ءَ درملک ءَ پاکستانی آنی نیمگ ءَ چہ دیم داتگیں زرّ آنی تہ ءَ 4 ارب ڈالر ءِ نشان ءَ چہ گیش بوھگ ءِ سر ءَ منت واری ءُ وشی ءِ درشانی کنان ءَ گوشت کہ گوستگیں سال ءِ سال ءِ مقابلہ ءَ اے سال ءِ مارچ ءَ زرّ دیم دیگ ءِ تہ ءَ 37.4 درسد گیشی بوتگ۔ حکومت ءِ پالیسیانی تہا ھوار انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ اسلام آباد ءَ جاری اوورسیز پاکستانی کنونشن ءِ رد ءَ زرّ دیم دیگ ءِ تہ ءَ ریکارڈ ءِ تہ ءَ گیشی ءِ وشیں ھال راجی معیشت ءِ تہ ءَ اوورسیز پاکستانی آنی لگن، جزبگ ءُ دل یکیمی ءِ درشان اِنت۔ مزن وزیر ءَ گوشت کہ یک ماہ ءِ تہ ءَ مارچ 2025 ءَ ریکارڈ بوتگیں زرّ ءِ دیم دیگ راجدپتر ءِ مستریں تک ءَ 4.1ارب ڈالر ءَ سر بوتگ، وھدیکہ رواں مالی سال ءَ تاں انوگ ءَ کلیں زرّ ءِ دیم دیگ 28ارب ڈالر ءَ سر بوتگ کہ گوستگیں سال ءِ مارچ ءِ مقابلہ ءَ 37.4درسد گیشی اِنت۔ آئی ءَ گوشت کہ اسلام آباد ءَ جاری اوورسیز پاکستانی کنونشن ءِ رد ءَ زرّ دیم دیگ ءِ تہ ءَ ریکارڈ گیشی ءِ وشیں ھال ملک ءَ درملک ءَ نندوکیں پاکستانی آنی لگن، جزبگ ءُ دل یکیمی ءِ درشان اِنت۔ زرّ ءِ دیم دیگ ءِ ریکارڈ کچ درملکی پاکستانی آنی حکومت ءِ پالیشی آنی سر ءَ دل یکم ءِ درشان اِنت۔ مزن وزیر ءَ گوشت کہ اوورسیز پاکستانی آں محنت ءُ لگن ءِ گوما شپ ءُ روچ کار کنگ ءَ چہ نا ایوک ءَ ملک ءُ قوم ءِ شان ءُ شُہرت ءِ سبب ءَ زرّ دیم دیگ ءِ وسیلگ ءَ راجی معیشت ءَ را ھم پائدگ رسیت۔ آئی ءَ گوشت کہ اوورسیز پاکستانی مئے مڈی اَنت۔ من ءَ گوں سرجمیں راج ءَ وتی محنت کشیں درملک ءِ پاکستانی آنی سر ءَ پھر اِنت۔ پاکستان ءِ سرکار درملک ءِ پاکستانی آں دراھیں آسراتی دیگ ءِ ھاترا جزم اِنت۔
