اسلام آباد۔14اپریل (اے پی پی): صدر ءِ مملکت آصف علی زرداری ءَ گوشت کہ مہروانیں وطن ءِ دیمروئی ءُ وشھالی ءِ واستہ سکھ کمیونٹی ءِ مزنیں کردے پیلو کنگ ءَ انت۔ پاکستان ءِ آئین ءَ اقلیتاں سرجمیں مذہبی آزاتی، برابری ءِ حق ءُ رکھینگ داتگ۔ ایوان ءِ پریس ونگ ءِ رد ءَ صدر ءِ مملکت ءَ اے ھیالانی درشانی باساپکھی میلہ ءِ موہ ءَ وتی گشتانک ءِ تہ ءَ کت۔ آئی ءَ بیساکھی ءِ وشیں موہ ءِ سر ءَ پاکستان ءُ سرجمیں دگنیا ءَ سکھ کمیونٹی ءَ را دل ءِ جہلانکی ءَ چہ سلام ءُ دروت کت ءُ گوشت کہ بیساکھی پاکستان ءِ زیبائی ایشی ءِ دود ءُ ربیدگی ءُ مذہبی رنگ ءُ دروشم ءِ علامت انت۔ صدر ءِ مملکت ءَ گوشت کہ سکھ کمیونٹی مھروانیں وطن ءِ دیمروئی ءُ وشھالی ءِ تہ ءَ مزنیں کرد پیلو کنگ ءَ اِنت ءُ چہ مذھب ءَ ابید ھمگرنچی، رواداری ءُ امن ءُ ایمنی ءِ اصول آنی سر ءَ عمل کنگ ءِ واستہ جزم اِنت۔ صدر آصف علی زرداری ءَ بیسر کھی ءِ میلہ ءِ موہ ءَ وتی کلوہ ءِ تہ ءَ گیش گوشت کہ سکھ راج ءِ وشھالی، دیمروئی ءُ ایمنی ءِ واستہ دعا لوٹ ایت۔
