اسلام آباد۔13اپریل (اے پی پی):امریکی کانگریس ءِ باسک آنی ڈل ءَ وفاقی تہی کارانی وزیر محسن نقوی ءَ گوں ھاسیں گند ءُ نند کتگ۔ اے ڈل ءِ تہا کانگریس ءِ باسک جیک برگمین، ٹام سوزی ءُ جوناتھن جیکسن ہوار اتنت۔ اے موہ ءِ سر ءَ وزیر ءِ تہی کار طلال چوہدری، قائم مقام امریکی سفیر نیٹلی بیکر، ءُ وفاقی سیکرٹری داخلہ خرم آغا ھم ھوار اتنت۔ گند ءُ نند ءِ تہ ءَ وت مہ وتی سیادی ءُ وت مہ وتی ھوالگ ءِ جیڈھ آنی سر ءَ سرجمی ءَ گپ ءُ تران کنگ بوت۔ دوئیں نیمگاں معیشت، تجارت، ءُ سرمایہ کاری ءِ پڑ ءَ کمک ءَ را گیش کنگ ءِ سر ءَ ھم گپ ءُ تران کنگ بوت، وھدیکہ سیکورٹی، انسداد ناشرکاری، ءُ سیمسر ءِ سیکورٹی ءِ سر ءَ ھم سرجمیں رنگ ءَ گپ ءُ تران کنگ بوت۔ اے موہ ءِ سر ءَ تران کنان ءَ محسن نقوی ءَ گوشت کہ امریکا ءِ گوما مھکم ءُ برجمیں سیادی پاکستان ءِ دری پالیشی ءِ کلیت انت۔ آئی ئَ گوشت کہ 30 اپریل ئَ امریکا ئَ پاکستان کاکس ئِ برجائی یک وشیں دیمروئی یے۔ آئی ءَ اے گپ ءِ سر ءَ زور پر دات کہ پاکستان ناشرکاری ءُ دگنیا ءِ نیام ءَ چو دیوال ءَ اوشتاتگ۔ آئی ءَ اے گپ ءِ سر ءَ زور پر دات کہ ناشرکاری جھان ءِ چیلنج اِنت ءُ میاں اوستمانی براتی ءَ را پاکستان ءِ گوما سرجمی ءَ کمک کنگی اِنت۔ آئی ءَ اے گپ ءِ سر ءَ زور پر دات کہ انسداد ناشرکاری ءِ پڑ ءَ انٹیلی جنس ءُ ٹیکنالوجی ءِ بھر ءُ بانگ ءِ سک باز ارزشت اِنت۔ آئی ءَ گیش گوشت کہ ناشرکاری ءِ ھلاپ ءَ پاکستان ءِ بے دروریں قربانی جہانی تک ءَ بے درور انت۔ ناشرکاری ءِ ھلاپ ءَ جنگ ءَ پاکستان ءِ بے دروریں کرد ءَ را پدر کنگ ءَ امریکی کانگریس ءِ باسک آنی تر ءُ تاب المی بیت۔وزیر داخلہ ءَ پاکستان معدنیات سرمایہ کاری فورم 2025 ءَ امریکی ڈل ءِ بھر زوری ءَ را وش اتک کت آئی ءَ گیش گوشت کہ حکومت سرمایہ کار آناں ھمک رنگ ءِ آسراتی ءُ سرجمیں رکھینگ ءَ را دل یکیمی کنت۔ تہی کارانی وزیر مملکت طلال چوہدری ءَ گوشت کہ جون ءَ اسلام آباد ءَ بوھوکیں انسداد ناشرکاری ءِ گپ ءُ تران انسداد ناشرکاری ءِ شوبگ ءَ وت مہ وتی کمک ءَ را دیمروئی دیگ ءَ کلیدی کرد پیلو کنت۔ امریکی کانگریس ءِ ڈل ءَ گوشت کہ ناشرکاری ءِ ھلاپ ءَ جنگ ءَ پاکستان ءِ کرد ءَ را پدر کنگ ءِ ضلورت اِنت۔ آئی ءَ گیش تران کت کہ امریکا ءَ نندوکیں پاکستانی کمیونٹی سک باصلاحیت ءُ محنتی انت۔
