اسلام آباد۔13اپریل (اے پی پی):منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ کجام ھم چاگرد ءِ دیمروئی ءِ واستہ پد منتگیں تبک آناں نوکیں وانگ ءُ زانگ ءَ گوں لیس کنگ سک باز المی اِنت۔ ملی توسعہ ءِ بُن ھشت چہ وسائل انسانی ءِ دیمروی ءَ بندوک اِنت ۔ ہر ملک ءِ دیمروی ءِ سرا یک سلامتیں قومے ءِ سرا بندوک انت۔ جان سلامتی ءِ شوبگ ءَ را نوکیں لیکہ آنی سر ءَ دیمروئی کنگ بوھگ ءَ اِنت۔ اے ھیالانی درشانی وفاقی وزیر برائے منصوبگ بندی احسن اقبال ءَ یک شمبے ءِ روچ ءَ ناروال میڈیکل کالج ءِ اولی سالانہ ناروکن ون کانفرنس ءَ گوں تران کنان ءَ کت۔ آئی ءَ گوشت کہ پاکستان ءِ جان سلامتی ءِ شوبگ ءَ دگہ جتاجتائیں نادراھی آنی ھواری ءَ ذہنی نادراھی آنی مزنیں کساس ءِ بوجھ انت ۔ ملک ءِ تہا پیچیدہ نادراہیانی گیش بوھگ مئے راجی دیمروئی ءِ مستریں رکاوٹ انت۔ احسن اقبال ءَ گوشت کجام ھم ملک ءِ دیمروئی جان سلامتیں راج ءِ سرا بندوک انت۔ آئی ءَ گیش گوشت کہ ھیپاٹائٹس سی، ذیابیطس، ءُ کینسر ءِ وڑیں نادراھی ءُ ھمے رنگ ءَ پولیو ملک ءِ جان سلامتی ءِ نظام ءِ واستہ چیلنج اَنت، ءُ جان سلامتی ءِ شوبگ ءَ را نوکیں لیکہ آنی سر ءَ دیمروئی کنگ بوھگ ءَ اِنت۔ وفاقی وزیر ءَ گوشت کہ راجی دیمروئی ءِ بُن ھشت انسانی وسیلگ آنی دیمروئی ءِ سر ءَ بندوک اِنت، پاکستان ءِ راجی وسیلگ آنی دیمروئی حکومت ءِ اولی ترجی اِنت۔ احسن اقبال ءَ گوشت کہ پد منتگیں دمگ آنی تہ ءَ کوالٹی ھیلتھ کیئر سنٹر جوڑ کنگ ءَ چہ مزنیں شہر آنی سر ءَ بار کم بیت ۔ طبی پٹ ءُ پول ءِ مستریں شعبہ اِنت، مارا کاپی پیسٹ ڈاکٹرانی یک بیچے پیداک نہ کنگی اِنت۔ آئی ءَ گوشت کہ اودان پاکستان ءِ چیر دستی ءَ ملک ءَ اوستیں جان سلامتی ءِ جیڈھ آنی گیواری ءِ واستہ سئے سالی جان سلامتی پروگرام ءِ بنگیج کنگ بوتگ۔ ہیپاٹائٹس ءُ ذیابیطس ءِ علاج ءِ واستہ 67ارب کلدار ایر کنگ بوتگ۔ متاسفانه اے ملک دنیا ءِ تہا ہپاٹائٹس ءِ نادراہانی کساس ءَ گیشتر انت۔ وفاقی وزیر ءَ گوشت کہ ما سک زوت یک منصوبگ ءِ بندات کنگ ءَ آں ایشی ءِ تہ ءَ نادراھی آناں چہ رکگ ءِ واستہ سرپدی پجاری کنگ بیت۔ پہ کجام ھم چاگرد ءِ دیمروی ءَ پد منتگیں تبکاں گوں نوکیں وانگ ءُ زانگ ءَ مرز کنگ سک باز المی اِنت۔ ملک ءِ آیوکیں باندات ءِ رکھینگ ءِ واستہ وانگ ءُ زانگ ءِ شوبگ ءَ سرمایہ کاری ناکافی انت۔ ہائیر ایجوکیشن کیمپس نہ ایوک ءَ ناروال ءَ جوڑ کنگ بوتگ انت بلکیں سرجمیں ملک ءَ نوشکی، پشین، خضداد، وڈا، گوادر، تربت، فاٹا، سندھ ءُ اے دگہ جاہاں ہائیر ایجوکیشن کیمپس جوڑ کنگ بوتگ انت۔ پروفیسر احسن اقبال ءَ گشتگ کہ لھتے سقراط ءُ بقراط ٹی وی ءِ سرا نند انت ءُ پدمنتگیں دمگاں نوکیں کیمپس ءِ مخالفت کن انت۔ آہانی گمان اِنت کہ نوکیں کیمپس ایوک ءَ مزنیں شہراں بہ بنت۔
