اسلام آباد۔13اپریل (اے پی پی):اوورسیز پاکستانی ءُ انسانی وسیلگ آنی دیمروئی ءِ وفاقی وزیر چوہدری سالک حسین ءَ گوشت کہ صنعتی کارندہ آنی واستہ ارزانیں لوگ ءُ کوالٹی ءِ بنیاتی ڈھانچہ ءِ پھجارینگ حکومت ءِ اولی ترجی انت۔ اے ھیالانی درشانی آئی ءَ اسلام آباد ءَ نوکیں ورکرز ویلفیئر فنڈ ءِ گوما جوڑ بوتگیں لیبر کمپلیکس ءِ بجلی ءِ بنگیج ءِ موہ ءَ کت۔ وفاقی وزیر ئَ گوشت کہ اے رنگیں منصوبگ آنی تہ ئَ نہ ایوک ئَ ارزان ئُُ کوالٹی ئِ آسراتی پُجاری بنت بلکینگ ئَ صنعتی کارندہ ئِ واستہ جوانیں چاگرد ئَ را دل یکیمی کنگ بیت۔ آئی ءَ صنعتی مزدور آنی گہبود ءِ واستہ ھمک رنگ ءِ وسیلگ پجاری کنگ ءِ واستہ حکومت ءِ جزم ءِ درشان کت۔ آئی ءَ مستحق ءُ اہل کارکن ءُ کارکن آناں جوڑ بوتگیں لوگ ءُ اپارٹمنٹ آنی زوتیں الاٹمنٹ ءِ ھم ہدایت کتگ۔ چوہدری سالک حسین ءَ گیش گوشت کہ لیبر کمپلیکس ءِ دومی بھر ءِ سر ءَ زوت کار بندات کنگ بیت تانکہ گیش صنعتی کارندہ آناں رہائشی آسراتی ءَ چہ سیت چست کنگ بہ بیت۔ اے موہ ءِ سر ءَ سیکرٹری ورکرز ویلفیئر فنڈ ذوالفقار احمد ءَ گوشت کہ ہاؤسنگ منصوبگ ءِ دومی بھر ءَ توامیں انٹرنیشنل اسٹینڈرڈ آسراتی ھوار بنت۔ چوہدری سالک حسین ءَ 1500 ءَ چہ گیش جوڑ بوتگیں لوگ، فلیٹ، کمیونٹی سنٹر ءُ مسیت آنی ھم تر ءُ تاب کتگ۔ آئی ءَ سیکرٹری ورکرز ویلفیئر فنڈ ذوالفقار احمد ءُ آئی ءِ ٹیم ءِ کوشست آناں ساڑات۔ اے موہ ءِ سر ءَ سیکرٹری ورکرز ویلفیئر فنڈ ذوالفقار احمد ءَ چوہدری سالک حسین ءَ را یاتگاری شیلڈ ھم دات۔
