اسلام آباد۔13اپریل (اے پی پی):سینیٹ ءِ چیئرمین سید یوسف رضا گیلانی ءَ ایران ءَ 8 پاکستانی مزدور ءِ بے دردی ءَ کوش ءِ سر ءَ دلپدرد ءُ رنج ءِ درشانی کتگ۔ سینیٹ سیکرٹریٹ میڈیا ڈائریکٹوریٹ ءِ نیمگ ءَ جاڑی بوتگیں بیان ءِ تہ ءَ آئی ءَ آماچیں کھول ءِ گوما دلپدردی ءِ درشانی کتگ ءُ بیران بوتگیں مردمانی واستہ معافی ءُ زندگیں مردمانی واستہ صبر ءُ اوپار ءِ دعا کتگ۔ ڈپٹی چیئرمین سینیٹ سیدل خان ءَ ھم وتی جتاھیں کلوہ ءِ تہ ءَ ایران ءَ پاکستانی مزدور آنی کوش ءِ سر ءَ دلپدردی درشان کرتگ ۔ آئی ءَ گوشت کہ اے واکیہ ھمک پاکستانی ءِ واستہ دل ءِ شور انت۔ آئی ءَ اے وئیل ءَ را بے دروریں افسوس ءِ لیک اِتگ ءُ گوشت کہ بے گناہ ءُ بے گناہیں کارکن آنی کوش یک غیر انسانی کارے کہ ایشی ءَ سرجمیں راج ءَ را غمگین کتگ۔ بے گناہیں جانانی اے وڑیں کُشگ ناقابل برداشت اِنت۔ آئی ءَ بیران بوتگیں مردمانی رُتبہ ءِ برز کنگ ءُ غم ءِ آماچیں کھول ءِ واستہ صبر ءُ دلیری ءِ دعا کتگ۔
