لاہور۔12اپریل (اے پی پی):چیئرمین مزن وزیر ورنا پروگرام رانا مشہود احمد خان ءَ گشتگ کہ اسرائیل یک میاں اوستمانی ناشرکارے، پاکستانی راج فلسطینی براتانی گوما اوشتاتگ، اسرائیل ءِ بربریت ءِ ھلاپ ءَ سرجمیں ملک ءَ زھرشانی برجاہ انت، انوگیں حکومت ءَ گزہ ءِ ھر یک مسلمان ءِ توار چست کتگ۔ گامگیج ، راج ءَ بجلی ءِ بلانی تہ ءَ ریلیف رستگ ، ءُ پی ٹی آئی ءِ آئی ایم ایف پروگرام ءِ سبب ءَ عام مردم ءِ زند آسان بوتگ ۔ آئی ءَ اے ھیالانی درشانی شمبے ءِ روچ ءَ مزن وزیر ءِ شگر ءُ منت واری ءِ درشان کنگ ءُ فلسطینی آنی گوما یکوئی ءِ درشان کنگ ءِ واستہ برجم داشتگیں جلسہ ءِ بھر زوروک ءَ گوں تران کنان ءَ کت۔ ریلی ءِ تہا کوآرڈینیٹر محمد اکبر، جاوید سرور بھٹی، یامین مغل، مون شاہ ءُ وقار بھٹی ءَ ھوار سداں مردماں بہر زرتگ۔ ریلی ءِ بہر زوروکاں گوں تران کنان ءَ رانا مشہود احمد خان ءَ گشتگ کہ اسرائیل یک میاں اوستمانی ناشرکار انت آئی ءَ فلسطین ءِ تہا ظلم ءُ بربریت ءِ جنگ بندات کتگ۔ سرجمیں پاکستانی راج فلسطین ءِ سر ءَ اسرائیل ءِ زوراکی ءَ گوں تُرندی ءَ مذمت کنت ءُ ھما مظلومیں فلسطینی براتاں گوں یکوئی ءِ درشان کنت کہ آ زلم ءِ آدینک جوڑ بوتگ اَنت۔ فلسطینی آں گوں یکوئی ءِ درشان کنگ ءِ واستہ مسلم لیگ ن یک جلسہ ءِ برجم دارگ ءَ انت ۔ مزن وزیر محمد شہباز شریف ءَ فلسطینیانی واستہ انصاف ءِ توار ءِ چست کنگ ءِ راہ دگہ حکومت ءِ تہا بے مثال انت۔ آئی ءَ پہ ڈاکٹر عافیہ ءِ یلہ کنگ ءَ توار چست کتگ کہ آ امریکہ ءَ بند اِنت۔ مزن وزیر محمد شہباز شریف ءَ اقوام متحدہ ءَ اسرائیل ءِ مزن وزیر ءِ گشتانک ءِ بائیکاٹ کتگ۔ آئی ءَ گوشت کہ مزن وزیر محمد شہباز شریف ءِ راج دوستیں پالیسی آنی سبب ءَ بجلی ءِ بل آنی تہ ءَ ریلیف بوتگ ایشی ءَ چہ مہنگائی کم بوتگ ایشی ءَ چہ عام مردم ءِ زندمان ءَ وشھالی اتکگ۔ مسلم لیگ (ن) راجی پارٹی اِنت ءُ ایشی ءِ سروکی راجی جیڑہاں چہ سرپد اِنت۔ رانا مشہود ءَ گشتگ کہ 2017 ءَ محمد نواز شریف ءِ حکومت ءَ آئی ایم ایف ءَ را وداع کتگ ات، ملک ءَ لوڈ شیڈنگ ھلاس بوتگ ات، پاکستان ایشیائی ٹائیگر جوڑ بوھگ ءَ ات بلے یک سازشے ءِ چیر دستی ءَ محمد نواز شریف ءِ حکومت ءِ سرا ارش کنگ بوتگ ات ءُ یک ناتجربہ کاریں ملکے ءَ را ب پاکستان دیوالیہ بوھگ ءِ نزیک ءَ انت۔ آئی ءَ گوشت کہ ملک ءَ را ڈیفالٹ ءَ چہ رکھینگ ءِ واستہ محمد شہباز شریف ءَ وتی شانزدہ ماہ ءِ سرکار ءِ وھد ءَ شپ ءُ روچ محنت کتگ ءُ وتی سیاست ءِ قربانی ءَ چہ ریاست ءَ را رکینتگ، ایشی ءِ سبب ءَ مرچی پاکستان پدا دیمروئی ءِ نیمگ ءَ رھادگ بوتگ۔ رانا مشہود احمد خان ءَ گوشت کہ مزن وزیر محمد شہباز شریف وفاق ءَ الس ءِ ازمت ءَ کنگ ءَ انت وھدیکہ سر وزیر مریم نواز پنجاب ءَ الس ءِ ازمت ءَ کنگ ءَ انت۔ مسلم لیگ ن ءِ نیمگ ءَ گچین کاری ءَ راج ءَ گوں داتگیں وعدہ یک یک ءَ سرجم بوھگ ءَ انت ۔ مہنگائی تاریخ ءِ تہ ءَ کم ترین کچ ءَ سر بوتگ۔ آیوکیں بجٹ ءَ مہلوک ءَ را گیش ریلیف پجاری کنگ بیت ۔ مہلوک ءَ را ریلیف پجارینگ ءِ واستہ سر وزیر پنجاب مریم نواز روچ پہ روچ نوکیں پراجیکٹس بندات کنگ ءَ انت۔ مزن وزیر محمد شہباز شریف ءِ جوانیں پالیسیانی برکت ءَ سرجمیں دگنیا ءِ سرمایہ کاراں پاکستان ءِ نیمگ ءَ دیم داتگ۔ دنیا ءِ جوانیں کمپنیاں ارباں ڈالر ءِ معدنی سرمایہ کاری ءِ تہا دلچسپی ءِ درشانی کتگ۔ مزن وزیر محمد شہباز شریف ءِ وژن ءِ رد ءَ درملکی سرمایہ کار آناں ھمک رنگ ءِ آسراتی پجاری کنگ بوھگ ءَ انت۔ فلسطینی آں گوں یکوئی ءِ درشان کنگ ءِ ھاترا مسلم لیگ ن ءِ جلسہ شیراکوٹ ءَ چہ بندات بوتگ ءُ چوک یتھی خانہ ءَ آسر بوتگ۔
