اسلام آباد۔12اپریل (اے پی پی): 12 اپریل 2025 ءَ مزن وزیر ءِ صنعت ءُ پیداوار ءِ ھاسیں کمکار ہارون اختر خان ءَ کراچی ءِ کورنگی کریک انڈسٹریل پارک ءِ تر ءُ تاب کتگ ات۔ گند ءُ نند ءَ پد میڈیا ءَ گوں تران کنان ءَ آئی ءَ گوشت کہ اسپیشل اسسٹنٹ ءَ گوشت کہ کراچی پاکستان ءِ کاروباری مرکز انت ءُ کاروباری برات آنی گوما منی سرجمیں گند ءُ نند بوتگ، ایشی ءَ چہ پائدگ مند بوتگ۔ آئی ءَ گوشت کہ کراچی ءِ بزنس کمیونٹی ءَ زمین آنی بہر ءُ بانگ، انفراسٹرکچر، بجلی، گیس ءُ ٹیکس آنی ھوالگ ءَ لھتیں جیڈھ آنی گپ دیم ءَ آؤرتگ۔ آئی ءَ گوشت کہ کاروباری برات ءِ سوبمندی مئے سوبمندی اِنت ءُ بے شک لھتیں جیڈھ است اَنت کہ ھمک معیشت ءِ تہ ءَ یکجائی اَنت بلے حکومت ءُ کاروباری برات آنی سرجمیں رپک سک شر اِنت۔ یک جست ءِ پسو ءَ ہارون اختر ءَ گوشت کہ اگاں پاکستان ءِ سر ءَ ٹیرف دگہ ملک آنی مقابلہ ءَ باز کم اِنت بلے ما انگت ءَ جھان ءِ جاور ھال آنی سر ءَ نزیکیں چماں دارگ ءَ ایں ءُ اگاں لوٹ بوت گڈا آیوکیں جاور ھال آنی رد ءَ نمائندہ کمیٹی امریکہ ءِ تر ءُ تاب ءَ کت کنت۔ بجلی ءِ نہادانی تہ ءَ کمی ءِ بابت ءَ گپ ءُ تران کنان ءَ ایس اے پی ایم ءَ گوشت کہ نہاد آنی تہ ءَ کمی مزن وزیر شہباز شریف ءِ سروکی ءَ ممکن بوتگ ءُ آیوکیں وھد ءَ ھم ملک ءِ اُلس ءَ را نپ رسگ ءِ واستہ ھچ وڑیں کوشست ءَ یلہ کنگ نہ بیت۔
