اسلام آباد۔12اپریل (اے پی پی):اوورسیز پاکستانی آنی وفاقی وزیر چوہدری سالک حسین ءَ اوورسیز پاکستانی آنی بنگیجی کنونشن ءَ اوورسیز پاکستانی بھر زوروک آناں جوانیں رنگ ءَ وش آتک کت ءُ آھاں ریاستی مہمان گوشت ءُ یکوئی ءُ کمک ءِ سر ءَ زور پر دات۔ شمبے ءِ روچ ءَ یک ھاسیں ویڈیو پیغام ءِ تہ ءَ وفاقی وزیر ءَ درملکیں پاکستانی کمیونٹی ءِ سوبمندی آناں ساڑات ءُ کنونشن ءِ تہ ءَ آھانی وشھالی ءِ واستہ حکومت ءِ عزم ءِ پدا زور دات۔ آئی ءَ درملکی پاکستانی آں گوں مھکمیں سیادی ءِ ضلورت ءِ سر ءَ زور پر دات ءُ گوشت کہ درملکی پاکستانی ھم ملک ءِ دیمروئی ءِ تہ ءَ برابریں شریک اَنت۔ چوہدری سالک حسین ءَ گوشت کہ اوورسیز پاکستانی مئے ملک ءِ ارزشتی ایں اثاثہ ءُ سفیر اَنت کہ مئے راج ءِ دیمروئی ءِ واستہ مزنیں کردے پیلو کنگ ءَ اَنت۔ آئی ءَ گیش گوشت کہ آ ارزشتی ایں زرّ ءِ دیم دیگ، سرمایہ کاری، ءُ زانت ءِ دیم دیگ ءِ وسیلگ ءَ پاکستان ءِ اقتصادی دیمروئی ءِ تہ ءَ مزنیں کردے پیلو کن اَنت۔ آئی ءَ گوشت کہ مزن وزیر شہباز شریف 13 اپریل (باندا) ءَ چہ درملکی پاکستانی آنی واستہ وتی اولی انٹرایکشن کنونشن ءِ برجم دارگ ءَ اِنت، ایشی ءِ مول ءُ مراد درملکی پاکستانی آں گوں سیادی ءَ را مھکم کنگ ءُ پاکستان ءِ اقتصادی دیمروئی ءِ تہ ءَ آھانی مہارت ءُ سرمایہ کاری ءَ را کارمرد کنگ ءِ راہ ءُ در آنی شوھازگ اِنت۔ اوورسیز پاکستانی آنی وفاقی وزیر ءَ اے گپ ءِ سر ءَ زور پر دات کہ اوورسیز پاکستانی مئے اولی ترجی اَنت ءُ مئے مول ءُ مراد ملک ءِ دیمروئی ءِ تہ ءَ آھانی ھاسیں کرد ءَ را پدر کنگ اِنت۔ آئی ءَ اوورسیز پاکستانی کمیونٹی ءِ گوما کمک ءُ ھواری ءِ ارزشت ءَ را ھم زور پر دات ءُ اوورسیز پاکستانی کمیونٹی ءِ گوما سیادی ءَ را گیش کنگ ءِ واستہ مزن وزیر شہباز شریف ءِ کوشست آناں ساڑات۔ چوہدری سالک حسین ءَ اوورسیز پاکستانی آنی کمک ءِ واستہ مھکمیں پالیشی آنی ضلورت ءِ سر ءَ زور پر دات۔
