اسلام آباد۔12اپریل (اے پی پی):وفاقی وزیر ءِ اطلاعات ءُ ٹیلی کمیونیکیشن شزہ فاطمہ خواجہ ءَ گوشت کہ آئی ءَ را سٹی اسلام آباد ایپ ءِ دیمروئی ءِ واستہ پی ایس ایل ٹیم اسلام آباد یونائیٹڈ ءِ گوما شریک بوھگ ءِ سر ءَ فخر اِنت۔ شمبے ءِ روچ ءَ وزارت ءِ انفارمیشن ٹیکنالوجی ءُ ٹیلی کمیونیکیشن ءِ نیمگ ءَ جاڑی بوتگیں بیان ءِ تہ ءَ وفاقی وزیر ءَ گوشت کہ اے گامگیج آنی مول ءُ مراد وفاقی دارالحکومت ءِ نندوکیں مردم آناں ڈیجیٹل آسراتی پجاری کنگ ءُ توانمندیں شہری جوڑ کنگ اِنت۔ آئی ءَ گوشت کہ اے کمک ٹیکنالوجی ءِ وسیلگ ءَ گیش ءُ گیوار کنگ بیت، ما مارکیٹنگ ءُ گیش ءَ چہ گیش یوزر آؤٹ ریچ ءِ واستہ اسلام آباد یونائیٹڈ ءِ گوما شریکداری کتگ تانکہ اے گپ ءَ را دل یکیمی کنگ بہ بیت کہ سٹی اسلام آباد ایپ ھر شہری ءَ را جوانیں رنگ ءَ سر بہ بیت۔ آئی ءَ گوشت کہ یکجائی ءَ ما گیش یکجاھیں اسلام آباد ءِ واستہ سمارٹ رنگ ءَ کار کنگ ءَ آں۔
