منسک۔11اپریل (اے پی پی):پاکستان ءَ چہ یک لکھ پنجاہ ہزار ءَ چہ گیش وانندہ ءُ بلدکاریں ورنا بیلا روس ءَ دیم دیگ بنت۔ جمعہ ءِ روچ ءَ بیلاروس ءِ آجوئی ءِ ہال ءَ مزن وزیر محمد شہباز شریف ءُ بیلاروس ءِ صدر لوکو شینکا ءِ نیام ءَ دو نیمگی گند ءُ نند ءِ آسر بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ بلدکار ءُ ھیل کاری زوروکیں ورنا آناں پاکستان ءَ چہ ہچ جیڈھ ءَ ابید دیم دیگ ءِ واستہ زوت یک منصوبگ ءِ جوڑ کنگ بیت۔ گند ءُ نند ءِ ساھت ءَ دوئیں بامرد آں کشت ءُ کشاری شوبگ ءِ دیمروئی ءُ کشت ءُ کشاری انجینئرنگ ءِ سر ءَ یکجائی ءَ کار کنگ ءِ سر ءَ تپاک کت۔ دیوان ءَ الیکٹرک گاڑی، بس ءِ پیداوار، ءُ فوڈ سیکیورٹی ءِ پڑ ءَ کمک ءَ را گیش کنگ ءِ سر ءَ ھم تپاک کنگ بوتگ۔ دوئیں رہشوناں گند ءُ نند ءِ ساھت ءَ دفاعی کمک ءُ کاروباری کمک ءَ را گیش کنگ ءِ واستہ وتی جزم ءِ ھم یکوئی ءِ پدرائی کت۔ گند ءُ نند ءِ ساھت ءَ دوئیں سروک آنی نیمگ ءَ تجارت، سرمایہ کاری ءُ دمگی کار آنی سر ءَ بازیں جیڈھ آنی سر ءَ ھیال ریچی کنگ بوت۔ دوئیں رہشوناں پاکستان ءُ بالماروس ءِ سیادی ءِ درستیں تک ءُ پھنات آنی تہ ءَ انوگیں جوانیں مومنٹم ءِ سر ءَ دل یکیمی ءِ درشان کت۔ دوئیں بامرد آں وت مہ وتی کمک ءُ اقتصادی ءُ تجارتی سیادی آناں گیش مھکم کنگ ءِ واستہ وتی عزم ءِ ھم پدر کت۔ مزن وزیر محمد شہباز شریف ءَ گوشت کہ گوستگیں سال ءَ اسلام آباد ءَ برجم داشتگیں پاک بیلاروس ءِ یکجائی وزارتی کمیشن ءِ ھشتمی دیوان ءُ اے سال ءَ پاکستان ءِ نیمگ ءَ چہ بیلاروس ءَ یک بین وزارتی ڈل ءِ تر ءُ تاب ءَ پد جتا جتائیں شوبگ آنی تہ ءَ دوئیں ملک آنی نیام ءَ کمک ءِ تہ ءَ مزنیں پیشرفت بوتگ۔ آئی ءَ گوشت کہ پاکستان بلیو بروس ءِ گوما وتی سیادی ءَ را ارزشت دار ایت، مزن وزیر ءَ روس ءَ گرمیں وش اتک ءُ وشیں مہمانداری ءِ واستہ صدر لوکاشنکو ءِ ھم شگر ءُ منت گپت۔
