اسلام آباد۔11اپریل (اے پی پی): مزن وزیر ءِ ھزانگ ءُ معیشت ءِ ھوالگ ءَ ھاسیں کمکار ھارون اختر خان ءَ گوشت کہ پاکستان ءُ ازبکستان ءِ نیام ءَ کمک ءِ واستہ بے دروریں موہ است انت۔ پاکستان سیل ءُ سواد ءِ شوبگ ءَ ازبکستان ءِ گوما کمک کنگ ءَ تیار اِنت۔ ویزا ءُ سفری آسراتی دیگ بیت، ءُ دوئیں ملکاں فائدہ رسیت۔ اے ھیالانی درشانی آئی ءَ ازبکستان ءِ وزیر امید شادئیف ءَ گوں گپ ءُ تران کنان ءَ کت انت آئی ءَ جمعہ ءِ روچ ءَ ادا گند ءُ نند کت۔ اے موہ ءِ سر ءَ ازبکستان ءِ سفیر علی شیر تختائیف ھم ساڑی ات۔ ھاسیں کمکار ہارون اختر خان ءَ گوشت کہ پاکستان ءُ ازبکستان ءَ سیل ءُ سواد ءِ بے دروریں موہ است انت۔ پاکستان سیل ءُ سواد ءِ شوبگ ءَ ازبکستان ءِ گوما کمک کنگ ءَ تیار اِنت۔ مزن وزیر ءَ مزنیں سیل ءُ سواد، دود ءُ ربیدگی تبادلہ، ءُ ورثہ ءِ منصوبگ آنی وژن داتگ۔ آئی ءَ گوشت کہ سیل ءُ سواد جی ڈی پی ءُ برآمدات ءِ تہ ءَ گیشی ءِ یک ھاسیں وسیلگ اِنت، وھد اتکگ کہ میاں اوستمانی نیمگ ءَ چارگ بہ بیت۔ آئی ءَ گوشت کہ مزن وزیر ءَ ازبکستان ءَ پی آئی اے ءِ میاں اوستمانی بالی گراب آناں پچ کنگ ءِ ہدایت داتگ۔ تجارت ءُ سیل ءُ سواد ءِ دیمروئی ءِ تہ ءَ نجی ایئر لائنز ھم کرد پیلو کن اَنت۔ ویزا ءُ سفری آسراتی دیگ بیت، ءُ دوئیں ملکاں فائدہ رسیت۔ ہارون اختر خان ءَ گوشت کہ پاکستان ءُ ازبکستان ءِ نیام ءَ کمک ءُ ھمگرنچی وھد ءِ لوٹ انت۔ فطرت ءَ پاکستان ءَ را بے کساسیں قدرتی جاہ آنی برکت داتگ۔ اے چاگردی بدلی آنی دیم ءَ انت بلے سرکار موثر گامگیج زورگ ءَ انت۔ ازبکستان ءِ وزیر سمحت احمدشادیف ءَ گوشت کہ پاکستان ءُ ازبکستان ءِ نیام ءَ بازیں مفاہمت نامہ آنی سر ءَ دستخط کنگ بوتگ ۔ دوئیں ملکانی مہلوک محنتی انت ایشانی دلبڈی دیگ المی انت ۔
