منسک۔11اپریل (اے پی پی): وفاقی وزیر مواصلات عبدالعلیم خان ءَ گوشت کہ پاکستان ءُ بیلاروس ءِ نیام ءَ مھکمیں سیادی است انت، دوئیں ملک آنی تہ ءَ مزنیں تجارتی ءُ کاروباری موہ است انت، کاروباری فورم دوئیں ملک آنی تہ ءَ کلیدی ارزشت ءِ واھند انت، ما حکومت ءُ کاروباری تک ءَ وت مہ وتی سیادی آناں دیمروئی دیگ ءِ واستہ جزم ایں ۔ جمعہ ءِ روچ ءَ مزن وزیر شہباز شریف ءِ بیلاروس ءِ تر ءُ تاب ءِ موہ ءَ تران کنان ءَ آئی ءَ گوشت کہ بیلاروس ءِ صدر ءُ میان نواز شریف ءِ نیام ءَ کوھنیں سیادی است انت، پاکستان ءُ بیلاروس ءِ نیام ءَ دوستی مھکمیں بنیات آنی سر ءَ جوڑ کنگ بوتگ، مزن وزیر اے گپ ءَ گوں دلجمی ءَ سرپد انت، صدر ءِ گرمائش ءِ درشانی کنگ بوتگ۔ بیلاروس ءَ مزن وزیر شہباز شریف ءُ میان نواز شریف ءِ واستہ آئی ءِ گس ءَ شپ ءِ ورگ ءِ بندوبست ھم کتگ، اے دوئیں ملک آنی سروک آنی نیام ءَ مھکمیں سیادی ءِ درشان اِنت، آئی ءَ گوشت کہ دوئیں ملک آنی دوستی ءَ را تجارت ءُ کامرس ءِ تہ ءَ بدل کنگ لوٹ ایت، اے درگت ءَ یک کاروباری فورم ءِ واستہ کار کنگ ءَ اِنت. کاروباری مردم اِدا اتکگ اَنت، چہ پاکستان ءَ سد کمپنی اِدا اتکگ اَنت ءُ سد ءَ چہ گیش بیلاروس ءِ کمپنی اِدا گوں آھاں رابطہ جوڑ کنگ ءَ اَنت۔ دوئیں ملکانی نیام ءَ مزنیں کچے ءَ کاروباری رابطہ است انت۔ مئے کرّا بازیں موہ است انت، ما حکومت ءَ چہ کاروبار ءِ تک ءَ، حکومت ءَ چہ حکومت ءُ کاروبار ءَ چہ کاروبار ءِ تک ءَ رابطہ ءَ را گیش کنیں۔ وفاقی وزیر ءَ گوشت کہ مئے کوشست ایش بہ بیت کہ مئے کاروباری براتی ءَ را ادا ءِ مردم آنی گوما آشنا کنگ بہ بیت۔ ادا ءِ مارکیٹ ءَ چہ پاکستان سک باز نپ چست کت کنت۔ اے درگت ءَ پاکستان یورپ ءُ اے دمگ ءِ ملک آنی گوما وتی رابطہ ءَ را دیمروئی دیگ ءَ چہ مزنیں نپ چست کت کنت۔ امیت انت ایشی ءَ چہ مزن وزیر ءِ تر ءُ تاب ءِ مول ءُ مراد پیلو کنگ ءَ سک باز کمک رسیت۔
