منسک۔11اپریل (اے پی پی): بیلاروس ءِ آجوئی ہال ءَ مزن وزیر محمد شہباز شریف ءَ را مزنیں وش اتک کنگ بوت۔ مزن وزیر شہباز شریف ءِ واستہ جمعہ ءِ روچ ءَ انڈیپنڈنس ہال ءَ سرکاری استقبالی مراگش برجم دارگ بوت۔ مزن وزیر ءَ را بیلاروس ءِ صدر الیگزینڈر لوکاشینکو ءَ گوں دلجمی ءَ وش اتک کت۔ دوئیں رہشوناں گوں گرمیں دست ءُ دیم کت۔ استقبالیہ ءِ دیوان ءَ دوئیں ملک آنی راجی سوت الہان کنگ بوت انت۔ بیلاروس ءِ سلاہ بندیں اُرد ءِ جوانیں پوشاکیں دستہ ءَ گارڈ آف آنر پیش کتگ ءُ مزن وزیر محمد شہباز شریف ءَ را سلام داتگ۔ مزن وزیر ءَ گارڈ آف آنر ءِ چار ءُ تپاسی کتگ۔ اے موہ ءِ سر ءَ مزن وزیر محمد شہباز شریف ءَ وتی ڈل ءِ باسکاں بیلاروس ءِ صدر ءَ گوں آشنا کتگ ءُ بیلاروس ءِ صدر ءَ وتی سرکاری باسکاں مزن وزیر شہباز شریف ءَ گوں ھم آشنا کتگ۔
