منسک۔11اپریل (اے پی پی): مزن وزیر محمد شہباز شریف مرچی (جمعہ) منسک ءَ یک دزگٹیں روچے گوازین ائیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر بیلاروس ءَ آجوئی ءِ گس ءَ سر بیت، اودا بیلاروس ءِ صدر الیگزینڈر صدر لوکاشینکو آئی ءَ را وش آتک کنت۔ مزن وزیر ءَ را بیلاروس ءِ سلاہ بندیں اُرد ءِ اُرد آنی نیمگ ءَ گارڈ آف آنر پیش کنگ بیت۔ صدر لوکاشینکو ءُ مزن وزیر شہباز ءِ نیام ءَ دو نیمگی گند ءُ نند بیت ایشی ءَ پد دوئیں رہشون ڈل ءِ تک ءِ گند ءُ نند ءَ وتی وتی ڈل آنی سروکی ءَ کن انت۔ پاکستان ءُ بیلاروس ءِ نیام ءَ جتا جتائیں شوبگ آنی تہ ءَ کمک ءِ تہ ءَ گیشی ءِ ھوالگ ءَ معاہدہ ءُ تپاک نامہ ءِ بدلی ءِ مراگش بیت، ایشی ءِ تہ ءَ صدر لوکاشینکو ءُ مزن وزیر شہباز شریف بھر زوری کن اَنت۔ صدر لوکاشینکو ءُ مزن وزیر شہباز شریف ءِ یکجائی پریس کانفرنس ءِ بیت۔ مزن وزیر جمہوریہ بیلا روس ءِ چیئر پرسن کونسل آف ریپبلک نتالیہ کوچانووا ءُ چئیرمین ایوان سروک ایگور سرجیینکو ھم گند ءُ نند کنت۔
