اسلام آباد۔10اپریل (اے پی پی): مزن وزیر محمد شہباز شریف 10 اپریل ءَ بگر داں 11 اپریل ءَ صدر الیگزینڈر لوکاشینکو ءِ دعوت ءِ رد ءَ جمہوریہ بیلاروس ءِ سرکاری تر ءُ تاب ءَ کنت۔ پنچ شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ مزن وزیر ءِ ھمراھی ءَ مزن تک ءِ ڈل ءِ تہ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءُ پنجاب ءِ سر وزیر مریم نواز ءِ ھوار ایندگر وزیر ءُ مزنیں کارندہ ھوار اَنت۔ بیان ءِ رد ءَ اے تر ءُ تاب صدر لوکاشنکو ءِ نومبر 2024ءَ پاکستان ءِ ھاسیں تر ءُ تاب ءِ پد ءَ بوتگ۔آئی ءِ نندگ ءِ ساھت ءَ مزن وزیر صدر لوکاشنکو ءِ گوما گپ ءُ تران کنت تانکہ وت مہ وتی مفاد ءِ شوبگ آنی تہ ءَ پیشرفت ءِ چار ءُ تپاسی کنگ بہ بیت۔ بیان ءِ رد ءَ گوستگیں شش ماہ ءَ چہ مزن تک ءِ دو نیمگی رابطہ برجاہ انت، اے سال ءِ فروری ءَ یکجائی وزارتی کمیشن ءِ 8می دیوان بوتگ، وھدیکہ اپریل 2025ءَ مزن تک ءِ وزارتی ڈل ءِ بیلاروس ءِ تر ءُ تاب ءَ یک پائدگ مندیں تر ءُ تاب ءِ بنیات ایر کتگ۔ بادن بادن ءَ گیش گوشت کہ دوئیں نیمگ آنی نیام ءَ کمک ءَ را گیش مھکم کنگ ءِ واستہ بازیں منوگری آنی سر ءَ دستخط کنگ ءِ اُمیت اِنت۔ مزن وزیر ءِ تر ءُ تاب ءَ پاکستان ءُ بیلاروس ءِ نیام ءَ مھکم ءُ جاری شریکی ءَ را پدر کنگ بوتگ۔
