اسلام آباد۔9اپریل (اے پی پی): مزن وزیر محمد شہباز شریف ءَ پی آئی اے ءِ بیست سال آں چہ تاوان ءَ پد سیت مندیں ادارگ جوڑ بوھگ ءِ سر ءَ وشی ءِ درشانی کتگ ءُ گوشت کہ انشاءاللہ مئے آیوکیں باندات روشن اِنت۔ چار شمبے ءِ روچ ءَ سوشل نیٹ ورک ویب سائٹ ’’ایکس‘‘ ءِ سر ءَ وتی کلوہ ءِ تہ ءَ مزن وزیر ءَ گوشت کہ الحمد اللہ مرچی راج ءَ را یک دگہ وشیں ھال ءِ سر ءَ اتکگ، پاکستان انٹرنیشنل ایئر لائنز بیست سال ءَ پد اولی رند ءَ منافع ءِ ھاترا سوبین بوتگ۔ اے پیشرفت پی آئی اے ءِ دہائیاں چہ تاوان ءَ پد ممکن بوتگ۔ انشاءاللہ آیوکیں روچ روشنان بنت۔ مزن وزیر ءَ گوشت کہ اے شانداریں سوبمندی وزیر ایوی ایشن خواجہ محمد آصف ءِ سروکی ءَ جوانیں ٹیم ورک ءِ آسر اِنت۔
