اسلام آباد۔9اپریل (اے پی پی): مزن وزیر محمد شہباز شریف ءَ منرل انویسٹمنٹ فورم ءَ بہر زورگ ءِ واستہ آیوکیں امریکی ڈل ءَ را وش اتک کنان ءَ گوشت کہ آ لوٹ ایت کہ امریکی سرمایہ کار پاکستان ءَ معدنیات ءِ شوبگ ءَ سرمایہ کاری ءِ موہ آناں پائدگ چست بہ کن اَنت۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ امریکی محکمہ خارجہ ءِ بیورو آف ساؤتھ اینڈ سینٹرل افیئرز ءِ سینئر برانچ آفیسر ءُ قائم مقام اسسٹنٹ سیکرٹری ایرک مائر ءِ سروکی ءَ امریکی ڈل ءَ چار شمبے ءِ روچ ءَ مزن وزیر محمد شہباز شریف ءَ گوں گند ءُ نند کتگ۔ اے ڈل پاکستان ءِ تر ءُ تاب ءَ انت ءُ پاکستان منرلز انویسٹمنٹ فورم ءَ بہر زورگ ءَ انت۔ مزن وزیر ءَ فورم ءِ تہ ءَ امریکی بھر زوری ءَ را وش اتک کنان ءَ اے گپ ءِ سر ءَ زور پر دات کہ پاکستان ءَ وتی معدنیات ءِ شوبگ ءَ مزنیں صلاحیت است انت ءُ اے اولی ترجی ءِ شوبگ ءَ امریکی کمپنی آناں سرمایہ کاری ءِ موہ آناں پائدگ چست کنگ لوٹ ایت۔ دو نیمگی سیادی ءُ دمگی امن ءُ ایمنی ءِ رد ءَ پاکستان ءُ امریکہ ءِ سیادی ءِ ارزشت ءَ را پدر کنان ءَ مزن وزیر ءَ امریکہ ءِ گوما دو نیمگی سیادی ءَ را گیش مھکم کنگ ءِ واستہ صدر ڈونلڈ ٹرمپ ءُ آئی ءِ انتظامیہ ءِ گوما کار کنگ ءِ پاکستان ءِ واھشت ءِ درشان کت۔ مزن وزیر ءَ تجارت ءُ سرمایہ کاری ءِ ھوار انسداد ناشرکاری ءَ ھوار وت مہ وتی سیت ءِ شوبگ آنی تہ ءَ کمک ءَ را گیش کنگ ءِ ارزشت ءِ سر ءَ زور پر دات۔ قائم مقام اسسٹنٹ سیکرٹری ایرک مائر ءَ مزن وزیر ءَ را پاکستان معدنی سرمایہ کاری فورم ءِ کامیات برجم دارگ ءِ پد ءَ مبارک بات دات۔ آئی ءَ پاکستان ءِ کان کنی ءِ شوبگ ءِ مزنیں توان آناں من اِت ءُ امریکی کمپنی ءِ نیمگ ءَ چہ اے شوبگ ءَ سرمایہ کاری کنگ ءِ واھشت ءِ درشان کت۔ آئی ءَ وت مہ وتی نپ ءِ جیڈھ آنی سر ءَ پاکستان ءِ گوما کار کنگ ءِ امریکا ءِ واھشت ءِ ھم درشان کُت۔ آئی ءَ گوشت کہ امریکا پاکستان ءِ گوما دو نیمگی سیادی ءَ را گیش دیمروئی دیگ ءِ واھشت مند انت۔ اے موہ ءِ سر ءَ نائب مزن وزیر ءُ درئی کارانی وزیر محمد اسحاق ڈار، اقتصادی کارانی وفاقی وزیر احد خان چمھک، پٹرولیم ءِ وزیر علی پرویز ملک، ھاسیں کمکار طارق فاطمی ءُ ایندگر مزنیں سرکاری کارندہ ھم ساڑی اتنت۔
