اسلام آباد۔8اپریل (اے پی پی): پاک فوج ءِ سروک جنرل سید عاصم منیر ءَ گوشت کہ پاکستان جھان ءِ معدنی معیشت ءِ تہ ءَ سروک ءِ بستار ءَ سہرا بوھگ ءَ ساڑی اِنت۔ پاکستان ءِ معدنی دولت ءِ کارمرز کنگ ءِ ھاترا انجینئر، جیولوجسٹ، آپریٹر ءُ بازیں ماہریں کان کنانی لوٹ اِنت۔ پمیشکا اے پڑ ءِ دیمروی ءِ واستہ ما دری ملک تربت ءَ ہم نودربر روان دیگ ءَ ایں ۔ پاک فوج وتی شریک ءُ سرمایہ کار آنی مفاد ءُ بھروسہ ءِ رکھینگ ءِ واستہ یک مھکمیں وانگ ءُ زانگ ءِ فریم ورک ءُ فعال گامگیج جوڑ کنت۔ آ سئے شمبے ءِ روچ ءَ پاکستان معدنی سرمایہ کاری فورم 2025 ءَ گوں گشتانک کنگ ءَ ات۔ آرمی چیف ءَ گوشت کہ منی دل ءَ پکّائیں باور اِنت کہ پاکستان جھان ءِ معدنیات ءِ معیشت ءِ تہ ءَ سروک ءِ بستار ءَ دیم ءَ آیگ ءِ واستہ تیار اِنت۔ ما میاں اوستمانی گل آناں وش آتک کنیں کہ آ وتی مہارت ءَ پاکستان ءَ بیار اَنت، سرمایہ کاری ءِ موہ آنی پٹ ءُ پول ءَ بہ کن اَنت، ءُ وسیلگ ءُ مشاورتی دیمروئی ءِ تہ ءَ مئے گوما شریک بہ بنت۔ آئی ءَ گوشت کہ اے وھد ءَ بلوچستان ءَ چہ 27 پاکستانی نودربر زیمبیا ءُ ارجنٹائن ءَ معدن ءِ درگیجگ ءِ ھوالگ ءَ تربیت زورگ ءَ انت۔ مئے مول ءُ مراد ھم پہ معدنی شعبہ ءَ مردمی توان، مہارت ءُ انسانی وسیلگ جوڑ کنگ اِنت۔ اقتصادی ایمنی راجی ایمنی ءِ یک ھاسیں بہرے ءِ رنگ ءَ ابھر بوتگ۔ آئی ءَ گوشت کہ پاکستان اپ اسٹریم ءُ ڈاؤن اسٹریم معدنی صنعت آنی دیمروئی ءَ را ھم دیم ءَ برگ ءَ انت۔ پاکستان ءَ ریفائننگ ءُ ویسپا ایڈیشن ءِ تہ ءَ سرمایہ کاری کنگ المی اِنت تانکہ ھرچ ءُ درچ ءَ را گہتر کنگ ءُ مارکیٹ آناں دیمروئی دیگ بہ بیت۔ آرمی چیف ءَ گوشت کہ پاکستانی الس ءِ بالانی چیر ءَ مزنیں معدنی ذخیرہ، اندری مہارت ءُ شفافیں معدنی پورٹ فولیو ءِ گوما ناامیتی ءُ بے عملی ءِ گنجائش نیست۔ بیا اِت دیم ءَ جنز ایں ءُ پہ ڈیھ ءُ پہ وت ءَ جھد کن ایں ۔ ما پاکستانی کاروباری شریک ءُ سرمایہ کار ترا دل یکیمی دئیں کہ کاروبار ءِ تہ ءَ تئی مہارت ءَ چہ نپ چست کنگ ءُ وتی معدنی دولت ءَ را کارمرز کنگ مئے اجتماعی راجی واھشت اِنت۔ آرمی چیف ءَ گوشت کہ شما پاکستان ءِ سر ءَ یک معتبریں شریک ءِ بستار ءَ حساب کت کن اِت۔ جنرل ایس ڈی پی عاصم منرا ءَ گوشت کہ آ بلوچ قبائلی بزرگ آنی کوشست آناں ھم من ایت کہ آھاں کان کنی ءِ کار آناں دیم ءَ برگ ءُ بلوچستان ءِ دیمروئی ءُ وشھالی ءِ تہ ءَ مزنیں کردے پیلو کتگ۔ یکجائی ءَ کار کنگ ءَ چہ پاکستان ءِ معدنی شوبگ اجتماعی نپ ءِ واستہ دمگی دیمروئی، وشھالی ءُ برجائی ءَ را دیم ءَ برگ ءَ انت۔
