اسلام آباد۔8اپریل (اے پی پی): وفاقی وزیر حزانگ ءُ آمدنی سینیٹر محمد اورنگزیب ءَ گوشت کہ پاکستان ءِ دمگی کمک ءُ تجارت ءِ دیمروئی ءِ سر ءَ ایمان انت ۔ آئی ءَ اے گپ اقتصادی کمک ءِ گل ءِ سیکرٹری جنرل ڈاکٹر اسد مجید خان ءَ گوں گند ءُ نند ءَ کت۔ گند ءُ نند ءَ دوئیں بامرد آں دمگی اقتصادی کمک ءَ را گیش کنگ ءِ راہ آنی سر ءَ ھیال ریچی کنگ بوت۔ تنظیم ءِ 10باسک ملک آنی نیام ءَ تجارت، معیشت ءُ سیل ءُ سواد ءِ دیمروئی ءِ واستہ جتا جتائیں گامگیج آنی سر ءَ گپ ءُ تران کنگ بوت۔ ڈاکٹر اسد مجید خان ءَ وزیر ھزانگ ءَ را ایکو ءِ کرد ءُ ارزشت ءِ بابت ءَ سرپد کت۔ گند ئُُ نند ءَ تجارتی راہداری ئُُ نوکیں مارکیٹ آنی رد ءَ دمگی تجارت ئُُ رابطہ ءِ ارزشت ءِ سر ءَ زور پر دات۔ دوئیں رہشوناں باسکیں ملک آنی نیام ءَ کمک، دمگی تجارت ءُ رابطہ ءَ را گیش مھکم کنگ ءِ ضلورت ءِ سر ءَ تپاک کتگ۔ سیکرٹری جنرل ءَ اے تنظیم ءَ را گیش مھکم ءُ گیش متحرک جوڑ کنگ، دمگی تجارت ءَ را دیمروئی دیگ ءُ باسکیں ملک آنی نیام ءَ کمک ءَ را گیش گہتر کنگ ءِ ھاترا وتی کوشست آناں درشان کت۔ وزیر خزانہ سینیٹر محمد اورنگزیب ءَ دمگی تجارت ءُ رابطہ کاری ءِ ایجنڈا ءَ را دیمروئی دیگ ءِ واستہ کمک ءِ دل یکیمی دات۔ گند ءُ نند ءَ تنظیم ءِ جتا جتائیں دیوان ءُ چست ءُ ایر آنی تہ ءَ وزارت ھزانگ ءِ نمائندگی ءَ را گیش فعال کنگ ءِ سر ءَ ھم تپاک کنگ بوت۔
