اسلام آباد۔8اپریل (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ گوشت کہ برجمیں اقتصادی برجائی ءِ واستہ معدنی وسیلگ آناں سرجمی ءَ کارمرد کنگ المی انت۔ معدنیات ءِ شوبگ ءَ سرمایہ کاری نہ ایوک ءَ مالی موہ آنی نمائندگی کنت بلکیں آیوکیں نسل آنی واستہ پائیدار ءُ ٹیکنالوجی ءِ رد ءَ دیمروئی کتگیں آیوکیں وھد ءِ رکھینگ ءِ ھاترا یک ھاسیں گامگیج اِنت۔ پاکستان معدنی سرمایہ کاری فورم 2025 دوستیں ملک ءُ شریک آنی واستہ یک دومی ءَ گوں گند ءُ نند کنگ، نوکیں امکانات آناں پٹ ءُ پول کنگ ءُ وت مہ وتی نفع مندیں شریکداری ءِ جوڑ کنگ ءِ واستہ یک انچیں پلیٹ فارم ءِ پجارینگ بیت۔ آئی ءَ اے ھیالانی درشانی سئے شمبے ءِ روچ ءَ پاکستان منرلز انویسٹمنٹ فورم 2025 ءَ گوں گشتانک دیان ءَ کت۔ آئی ءَ گوشت کہ پاکستان اقتصادی دیمروئی ءِ نوکیں دور ءَ داخل بوھگ ءَ انت۔ پاکستان ءِ حکومت ءَ معیشت ءِ برجائی ءِ واستہ سختیں بلے المی ئیں پیسلہ کتگ۔ اے کوشست آنی آسر کلیدی میکرو اکنامک اشاریہ آنی تہ ءَ تیزی ءَ گوں پدر بوھگ ءَ اَنت۔ نائب مزن وزیر ءَ گوشت کہ حوالہ جات ءِ مھکمیں آمد ءُ ایف ڈی آئی ءِ تہ ءَ گیشی ءَ چہ سک باز لوٹ ءُ گزر ءِ درملکی زرّ ءِ پجارینگ بوھگ ءَ اِنت، ملکی کارمرد، سرمایہ کاری ءُ سرجمیں اقتصادی دیمروئی ءَ را گیش کنگ ءَ اِنت۔ اے سوبمندی فچ ءُ موڈیز ءِ نیمگ ءَ چہ گہتریں کریڈٹ ریٹنگ ءِ گوما اقتصادی استحکام ءُ مالیاتی نظم ءُ ضبط ءِ سرا مئے عزم ءِ درشان انت۔ آئی ءَ گوشت کہ پاکستان وتی بے دروریں جیولوجیکل دولت ءِ بنیات ءَ یک گلوبل مائننگ پاور ہاؤس ءِ رنگ ءَ سہرا بوھگ ءِ واستہ اسٹریٹجک پوزیشن ءَ انت۔ آئی ءَ گوشت کہ پاکستان ءَ ”ریکو ڈک“ ءِ وڑیں ذخائر است انت، ٹیتھیان میٹالوجینک بیلٹ ءَ دگنیا ءِ مزنیں تانبہ ءُ زرّ ءِ ذخائر آنی تہ ءَ یکے۔ سینیٹر محمد اسحاق ڈار ءَ گوشت کہ پاکستان ءِ تہ ءَ نادریں زمینی عناصر، صنعتی معدنیات، غیر دھاتی ءُ گران بھائیں سنگ آنی ھم مزنیں وسیلگ است انت ایشی ءِ تہ ءَ جھان ءِ تہ ءَ لوٹ ءُ گزر ءِ پیریڈوٹ ءُ زمرد ھوار انت۔ اے مزنیں بے کاریں معدنی توانائی ءِ گوما پاکستان ءِ وسیلگ راہداری ءِ مول ءُ مراد ایش انت کہ گلوبل سپلائی چین ءِ نوکیں رنگ ءَ جوڑ کنگ ءُ سرمایہ کاری ءَ را را وتی نیمگ ءَ راجینگ بہ بیت۔ آئی ءَ گوشت کہ راجدپتری رنگ ءَ مئے جیولوجیکل توانائی ءَ را سرجمی ءَ کارمرد کنگ نہ بوتگ ءُ معدنیات ءِ شوبگ ءَ انگت ءَ وتی توانائی ءِ رد ءَ اقتصادی نپ رسگ ءَ نہ انت۔ آئی ءَ گوشت کہ ایشی ءِ سبب ءَ پاکستان ءِ حکومت ءَ دیمروئی پالیسی اصلاحات ءُ سرمایہ کار آنی سر ءَ مرکوزیں گامگیج آنی وسیلگ ءَ شوبگ ءِ اسٹریٹجک دیمروئی ءَ را اولیت داتگ، ایشی ءَ چہ یک مھکمیں ایکو سسٹم ءِ بنیات ایر کنگ بوتگ کہ ایشی ءَ چہ درستیں اسٹیک ہولڈر آناں ارزشت ءِ پجارینگ بیت۔ نائب مزن وزیر ءُ دری کارانی وزیر ءَ گوشت کہ وتی ریگولیٹری فریم ورک ءَ را مقابلہ ءِ مالی کمک ءِ جاور آنی گوما یکجا کنگ ءَ پاکستان وسیلگ آنی شوھازگ، درگیجگ، ریفائننگ، رسد ءُ بنیاتی کوکا ءِ تہ ءَ پائیدار، مزنیں پیداواری منصوبگ آنی واستہ یک متحرکیں مرکز ءِ رنگ ءَ وت ءَ را پوزیشن ءَ ایر کنگ ءَ اِنت۔ آئی ءَ گوشت کہ مئے ڈیموگرافک منافع یک اسٹریٹجک برتری ءِ رنگ ءَ است اِنت۔ سال ءَ چہ کم اُمبر ءِ 60درسد ءَ چہ گیش آبادی ءُ 22.8 سال ءِ میڈین اُمبر ءِ گوما مئے ورنا اگاں ہدف ءُ صلاحیت سازی ءِ گامگیج آنی وسیلگ ءَ بااختیار کنگ بہ بنت گڑا کان کنی ءِ ارزشت ءِ زنجیر ءَ نوآبادیاتی ءُ مہارت ءِ ڈرائیونگ ءَ مزنیں کردے پیلو کنت۔ آئی ءَ گوشت کہ وسیلگ، پالیسی ءُ انسانی سرمایہ ءِ یکجاھی پاکستان ءِ معدنی شوبگ ءِ برجائی ءِ واستہ بے دروریں موہ ءِ پجارینگ ءَ انت۔ نائب مزن وزیر ءَ گوشت کہ پاکستان معدنی سرمایہ کاری فورم 2025 اسٹیک ہولڈرز، دوستیں ملک ءُ شریک آنی واستہ یک دومی ءَ گوں گند ءُ نند کنگ، نوکیں موہ آناں پٹ ءُ پول کنگ ءُ وت مہ وتی سیت مندیں شریکداری ءِ جوڑیشت ءِ واستہ یک جتائیں پلیٹ فارم ءِ پجاری کنت۔ آئی ءَ سرمایہ کار آناں زور پر دات کہ آ دور اندیشی ءِ گوما سرمایہ کاری بہ کن اَنت ءُ پاکستانی اُلس ءِ اجتماعی وشھالی ءَ را ھیال ءَ بہ دار اَنت۔ آئی ءَ گوشت کہ اے شوبگ ءِ راستیں توانائی ءَ را راستی ءَ پچ کنگ ءِ واستہ مارا سرمایہ کاری ءِ ھواری ءَ کمک ءِ واستہ یکجائی عزم ءِ ضلورت اِنت۔ آئی ءَ گوشت کہ حکومت، صنعت کار، سرمایہ کار ءُ بنجاہی راج آنی نیام ءَ کمک المی انت۔ نائب مزن وزیر ءَ گوشت کہ معدنیات ءِ شوبگ ءَ سرمایہ کاری نا ایوک ءَ مالی موہ آنی نمائندگی کنت بلکینگ ءَ آیوکیں نسل آنی واستہ پائیدار ءُ ٹیکنالوجی ءِ رد ءَ دیمروئی کتگیں آیوکیں وھد ءَ را پکینگ ءِ نیمگ ءَ یک ھاسیں گامگیج اِنت۔
