اسلام آباد۔ 08 اپریل (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ پاکستان علاقائی کمکاری و واپار ءِ مون آ دننگ آ یخین تخک۔ داہیت ءِ او اقتصادی کمکار تنظیم (ای سی او) نا سیکرٹری جنرل ڈاکٹر اسد مجید خان تون اوڑدہی ٹی پارے۔ اوڑدہی ٹی ہڑتوم آ راہشونک علاقائی اقتصادی کمکاری ءِ ودفنگ نا بابت گپ وتران کریر۔ تنظیم نا 10 باسک ملک آتا نیام اٹ واپار، زرگزران و سیل و سوات ءِ مون آ دننگ کن چندی گام گیج آتیا گپ وتران مس۔ ڈاکٹر اسد مجید خان وزیرخزانہ ءِ ای سی او نا کڑد و اونا اہمیت نا بارواٹی معلومدار کرے۔ اوڑدہی ٹی واپاری راہداری و مون آ بروک منڈی تا رداٹ علاقائی واپار و رابطہ غاتا اہمیت آ زور شاغنگا۔ ہڑتوم آراہشونک باسک ملک آتا نیام اٹ کمک، علاقائی واپار و رابطہ غاتے پین سوگو کننگ نا گرج آ امنا کریر۔ سیکرٹری جنرل تنظیم ءِ پین سوگو و متحرک کننگ و علاقائی واپار ءِ مون آدننگ و باسک ملک آتا نیام اٹ کمکاری ٹی پین گچینی کن تینا کوشست آتا ذکر ءِ کرے۔ وزیرخزانہ سینیٹر محمد اورنگزیب علاقائی واپار و رابطہ غاتا ایجنڈا ءِ مون آ دننگ کن کمکاری نا باوری کرفے۔ اوڑدہی ٹی تنظیم نا چندی فورم و سرجزآتیٹی وزارت خزانہ نا نمائندگی ءِ پین فعال کننگ آ ہم امنا کننگا۔
