کوئٹہ۔ 07 اپریل (اے پی پی): بلوچستان ءِ سر وزیر میر سرفراز بگٹی ءَ گشتگ راجی جیڑہانی گیش ءُ گیوار ءَ چہ مہلوک ءُ ریاست ءِ نیام ءَ وت مہ وتی بھروسہ گیش بیت۔ عام مردم ءَ را آسراتی دیگ سرکار ءِ اولی ترجی اِنت ءُ سرکاری مشینری ءَ را دل ءِ جہلانکی ءَ کار کنگی اِنت۔ آئی ءَ اے گپ دو شمبے ءِ روچ ءَ ادا سرکاری شوبگ ءِ دیمروئی پروگرام ءِ پیشرفت ئُُ گورننس ءِ گہتری ءِ ھوالگ ءَ دیوان ءِ سروکی ءَ کنان ءَ گوشت۔ گند ءُ نند ءَ صوبائی وزیر خزانہ میر شعیب نوشیروانی، چیف سیکرٹری شکیل قادر خان، ایڈیشنل چیف سیکرٹری دیمروئی ءُ منصوبہ بندی حافظ عبدالباسط، ایڈیشنل چیف سیکرٹری ہوم زاہد سلیم، پرنسپل سیکرٹری بابر ڈی پارٹمنٹ آل ءِ سیکرٹری آں بہر زرتگ۔ دیوان ءَ دیمروئی منصوبگ آنی رفتار ءُ سرجمی ءُ سروس ڈیلیوری سسٹم ءِ تہ ءَ اصلاحات آنی سر ءَ سرجمیں رنگ ءَ چار ءُ تپاسی کنگ بوت۔ چیف سیکرٹری بلوچستان شکیل قادر خان ءَ گورننس ءِ گہتری ءُ سرکاری ازمت آنی پھجارینگ ءِ بابت ءَ بریفنگ دیگ ءِ وھد ءَ گوشت کہ بلوچستان ءَ بندیں 3400 اسکول آنی تہ ءَ 1400 اسکول پچ کنگ بوتگ اَنت وھدے کہ ایس بی ءِ چیر دستی ءَ استاد آنی بھرتی ءَ پد دگہ 1800 اسکول آنی تہ ءَ اے ماہ ءِ تہ ءَ 2019 ءِ بھرتی بیت۔ سیمی بھر ءَ پچ کنگ بہ بیت۔ سیکرٹری ایجوکیشن صالح محمد ناصر ءَ دیوان ءَ گوشت کہ میرٹ ءِ رد ءَ گچین بوتگیں استاد آنی گچین کنگ ءِ پرمان 18 اپریل ءَ تاں جاری کنگ بنت۔بلوچستان ءِ سر وزیر ءَ حاضریں سرکاری کارندہ آنی ھلاپ ءَ مھکمیں موقف زورگ ءِ وھد ءَ گوشت کہ عادت ءِ رد ءَ حاضریں کارندہ آناں لوگ ءَ دیم دیگ بیت۔ آئی ءَ وتی زھر ءِ درشانی کتگ ءُ گوشتگ کہ میتگ ءُ دمگ آنی تہ ءَ گیشتریں افسر کارگس آنی تہ ءَ ھست نہ اَنت، ایشی ءِ سبب ءَ مردم بے لوگ بنت ءُ مشکلات ءِ آماچ اَنت۔ اے جاور ھال سرجم ءَ نا منّگ بنت۔ آئی ءَ بنجاہی حکومت ءِ نمائندگ آناں ہدایت کت کہ آ لائن ڈیپارٹمنٹ آنی استاد، ڈاکٹر ءُ کارندہ آنی حاضری ءِ سر ءَ نگرانی بہ کن اَنت ءُ غیر حاضریں کارمند ءُ گورننس ءِ کوتاہی آنی سر ءَ چار ءُ تپاسی رپورٹ تیار بہ کن اَنت ءُ سفارشات بہ کن اَنت۔ ایڈیشنل چیف سیکرٹری پلاننگ اینڈ ڈویلپمنٹ حافظ عبدالباسط ءَ بریفنگ ءِ تہ ءَ گوشت کہ بنجاھی وزیر ءِ سروکی ءَ گوستگیں پیشرفت ءِ چار ءُ تپاسی ءِ دیوان آنی تہ ءَ داتگیں ہدایت آنی رد ءَ دیمروئی منصوبگ آنی سر ءَ ھرچ ءُ درچ ءُ پیشرفت ءَ را ترند کنگ بوتگ ءُ آیوکیں ماہ ءَ تاں 90درسد دیمروئی منصوبگ سرجم کنگ بنت۔
