حب۔ 07 اپریل (اے پی پی): وفاقی وزیر تجارت نواب جام کمال خان ءِ سروکی ءَ حب ضلع ءِ جیڈھ ھم اولیت ءِ بنیاد ءَ گیش ءُ گیوار کنگ بنت ۔ حب پاکستان مسلم لیگ-ن ءِ صوبائی اسمبلی ءِ باسک ءُ سیل ءُ سواد ءُ دود ءُ ربیدگ ءِ پارلیمانی سیکرٹری بلوچستان نواب زادہ محمد زرین خان مگسی ءَ گوں جام گروپ حب ءِ سینئر رہشون ڈپٹی میئر میونسپل کارپوریشن حب حاجی محمد عظیم سیاں سابق وائس چیئرمین حب سنئیرکونسلر لالہ محمد یوسف بلوچ ۔جنرل کونسلر میونسپل کارپوریشن حب معروف نوجوان سیاسی وسماجی قبائلی شخصیت سیف اللہ شیخ جام محمد یوسف عالیانی ءِ نزیکیں ھمبراہ عطاء اللہ رونجھو۔ پیسریگیں ممبر ضلع کونسل لسبیلہ عبدالوحید قلندرانی جنرل کونسل میونسپل کارپوریشن حب ممتاز حسین مگسی سیاسی ءُ چاگردی سروک غلام رسول شیخ ءُ ایندگر آں گند ءُ نند کت ءُ حب ءِ جیڈھ آنی ھوالگ ءَ تران کنگ بوت ءُ اے ساھت ءَ پاکستان مسلم لیگ ن ایم پی اے لسبیلہ نوابزادہ محمد زرین خان مگسی ءَ گوشت کہ وفاقی وزیر تجارت نواب جام کمال خان الیانی ءِ سروکی ءَ حب ضلع ءِ جیڈھ ھم اولیت ءِ بنیاد ءَ گیش ءُ گیوار کنگ بنت ءُ حب ءِ الس ءَ را المی ئیں آسراتی پجاری کنگ بنت۔ آ ھچ وڑیں جاوراں تہنا یلہ نہ بنت ءُ یک پہ یک ءَ شپ ءُ روچ مہلوک ءِ ھزمت ءَ کن اَنت۔ آئی ءَ گوشت کہ جام ءِ ھاندان ءَ مدام حب ءُ لسبیلہ ضلع ءِ الس ءِ بے مٹیں ھزمت کتگ ءُ مرچی ھم اے دیمروئی ءُ وشھالی ءِ سفر برجاہ اِنت۔
