اسلام آباد۔7اپریل (اے پی پی): صدر آصف علی زرداری ءَ ڈیرہ ءَ سوبمندیں آپریشن ءِ تہ ءَ 9 خوارج ءِ کوش ءِ ھاتر ءَ سیکورٹی فورسز ءَ را توسیپ ءُ ستا پیش کتگ ءُ گوشت کہ مئے جزم ءِ سبب ءَ ناشرکار ڈیرہ اسماعیل خان ءَ را ھلاس کنگ بیت۔ دو شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ انٹیلی جنس ءِ بنیات ءَ کارروائی آنی وھد ءَ فتنہ الخوارج ءِ 9 ناشرکار آناں ھلاس کنگ ءِ واستہ سیکورٹی فورسز ءِ بہادری ءِ توسیپ کتگ۔ آئی ءَ آپریشن ءِ وھد ءَ ناشرکاریں سروک ءِ ھلاس کنگ ءِ سر ءَ سیکورٹی فورسز ءِ توسیپ کتگ ءُ گْوشتگ کہ ناشرکاریں سروک ءِ کوش سیکورٹی فورسز ءِ مزنیں سوب مندی اِنت ۔ صدر ءِ مملکت ءَ گوشت کہ ناشرکار آنی سرجمیں ھلاسی ءَ تاں سیکورٹی فورسز ءِ آپریشن برجاہ مان اَنت۔ اے گپ وشی ءِ گپ انت کہ پاکستان ءِ سیکورٹی فورسز ناشرکاری ءِ ھلاسی ءِ واستہ سوبمندیں آپریشن کنگ ءَ انت۔ صدر ءِ مملکت ءَ خوارج ءِ بغاوت ءِ سرجمی ءَ ھلاسی ءِ راجی جزم ءِ ھم درشان کت۔
