راولپنڈی۔7اپریل (اے پی پی): ڈیرہ اسماعیل خان ءَ سیکورٹی فورسز ءِ آپریشن ءِ وھد ءَ بیران بوتگ انت۔ آئی ایس پی آر ءِ رد ءَ 6 ءُ 7 اپریل 2025 ءِ میانجی ءِ شپ ءَ سیکورٹی فورسز ءَ انٹیلی جنس ءِ زانتکاری ءِ بنیاد ءَ ضلع ڈیرہ اسماعیل خان ءِ تکوارا ءِ جنرل ایریا ءَ خوارج ءِ ھست بوھگ ءِ بابت ءَ زانتکاری ءِ سر ءَ کارروائی کتگ۔ آپریشن ءِ وھد ءَ سیکورٹی فورسز ءَ خوارج ءِ پناہ گاہ ءَ را موثر رنگ ءَ نشانگ جوڑ کتگ۔ شدیدیں تیرگواری ءِ آسر ءَ 9 خوارج بیران بوتگ اَنت کہ آھانی تہ ءَ مزنیں ارزشت ءِ ٹارگٹ ءُ خوارج نیٹ ورک ءِ سروک شیرین ھوار اَنت۔ کُشگ بوتگیں ناشرکاراں چہ سلاہ ءُ گولہ بارود ھم دست کپتگ۔ خاورجی ءِ سروک شیرین ءَ را بازیں ناشرکاری کارروائیانی تہا قانون نافذ کنوکیں ادارہانی نیمگ ءَ لوٹگ بوتگ۔ آئی ءَ بے گناہیں شہری آنی ٹارگٹ کُشگ ءِ تہ ءَ ھوار بوتگ ءُ کیپٹن حسنین اختر شہید ءِ شھید کنگ ءِ ھم ذمہ وار بوتگ کہ 20 مارچ 2025 ءَ شھید بوتگ ءُ اے آپریشن ءِ تہ ءَ اے زھرناکیں کارروائی ءِ بدلہ گرگ بوتگ ءُ مستریں مجرم ءِ دیم ءَ آرگ بوتگ۔ دمگ ءَ کلیئرنس آپریشن برجاہ اِنت کہ ھرچ پوشیدگیں خوارجے ءِ دیم ءَ آرگ بہ بیت۔ آئی ایس پی آر ءِ گشگ انت کہ پاکستان ءِ سیکورٹی فورسز ناشرکاری ءِ آفت ءَ چہ ملک ءَ چہ رِد ءُ بند دیگ ءِ ھاترا دلجم انت۔
