اسلام آباد۔7اپریل (اے پی پی): مزن وزیر محمد شہباز شریف ءَ ضلع ڈیرہ اسماعیل خان ءِ دمگ تکواڑا ءَ ناشرکار آنی ھلاپ ءَ سیکورٹی فورسز آنی کامیاتیں کاروائی ءَ را ساڑاتگ ءُ گوشتگ کہ ناشرکار آنی ھلاپ ءَ جنگ ءَ سرجمیں راج سیکورٹی فورسز آنی گوما ھمگام ءَ اوشتاتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آپریشن ءِ تہ ءَ لوٹوکیں ناشرکاریں سروک ءَ ھوار 9خوارج ناشرکار ءِ کوش ءِ سر ءَ سیکورٹی فورسز ءِ توسیپ کتگ۔ مزن وزیر ءَ گوشت کہ ناشرکاری ءِ ھلاپ ءَ جنگ ءَ سرجمیں راج سیکورٹی فورسز ءِ ھمبراھی ءَ اوشتاتگ اَنت۔ ما ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ جزم آں ۔
