اسلام آباد۔7اپریل (اے پی پی):مزن وزیر محمد شہباز شریف ءَ پنجاب اسمبلی ءِ باسک چوہدری ارشد جاوید وڑائچ ءِ بیرانی ءِ سرا سک باز غم ءُ اندوہ ءِ درشانی کتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ نمیرانیں ارشد جاوید وڑائچ ءِ جنک ءُ سیالکوٹ ضلعی کونسل ءِ پیسریگیں چیئرپرسن حنا ارشد ءَ گوں ٹیلی فون کتگ ءُ دلپدردی ءِ درشانی کتگ۔ مزن وزیر ءَ بیران بوتگیں مردم ءِ مزنیں بستار ءِ واستہ دعا کتگ ءُ گوشت کہ بیران بوتگیں مردم ءِ سیاسی ازمت دائم ءَ یات کنگ بنت۔ مزن وزیر ءَ دعا کت کہ اللہ تعالیٰ مرحوم ءَ را جنت ءَ مزنیں مقامے بہ دنت۔
