لاہور۔5اپریل (اے پی پی): وفاقی وزیر رانا مبشر اقبال ءَ گوشت کہ مزن وزیر شہباز شریف ءَ پاکستان ءَ بجلی ءِ نھاد آنی تہ ءَ کمی ءِ جار جتگ۔ مہنگائی ءِ گراف روچ پہ روچ جہل کپگ ءَ اِنت، مخالف ملک ءِ دیمروئی ءَ ہضم نہ کنگ ءَ اَنت۔ اے ھیالانی درشانی آئی ءَ شمبے ءِ روچ ءَ ادا وتی حلقہ ءِ نمائندگاں گوں تران کنان ءَ کت۔ وفاقی وزیر ئَ گوشت کہ مزن وزیر ئِ نیمگ ئَ ملکی صارف ئِ واستہ بجلی ئِ نہاد آنی تہ ئَ کمی کنگ ئِ مزنیں ریلیف اِنت۔ آئی ءَ انچیں مزنیں کارے کنگ ءَ چہ راج ءُ کاروباری راج ءِ دل گپتگ۔ محمد شہباز شریف ءَ مزن وزیر ءُ سر وزیر ءِ بستار ءَ ہر موڑ ءَ وتی زہرشانی ثابت کتگ۔ مسلم لیگ راجی پارٹی انت ءُ اے مہلوک ءِ جیڑہاں سرپد بیت ۔ آئی ءَ گوشت کہ ملک آشوب ءِ تہ ءَ ڈوبگ ءَ انت ءُ ڈیفالٹ ءِ نزیک ءَ انت۔ مارا درآمد کنگ ءِ ھچ چیز نیست اَت بلے محمد شہباز شریف ءَ وتی زانتکاریں سِنچ ءِ برکت ءَ شپ ءُ روچ پہ پاکستان ءِ پدا پادانی سر ءَ ایر کنگ ءُ ملک ءَ چہ ڈیفالٹ ءَ رکّینتگ اَت۔ وفاقی وزیر ئَ گوشت کہ حکومت ئَ ملکی صنعت ئِ دیمروئی ئِ واستہ زانت ءُ زانگ ئَ بجلی ئِ نھاد کم کتگ ایشی ئَ چہ ورنا آنی واستہ روزگار ئِ موہ پیداک بنت، پیداواری ھرچ ءُ درچ ھم کم بیت، ملکی معیشت ئِ مھکم بیت۔ رانا مبشیر اقبال ءَ گوشت کہ وام آنی سر ءَ سود ءِ شرح 12.5درسد ءَ چہ 12درسد ءَ اتکگ، مہنگائی ءَ را ھم کم کم ءَ کنٹرول کنگ بوھگ ءَ اِنت، مزن وزیر محمد شہباز شریف ءَ داتگیں میوہ الس ءَ سر بوتگ اَنت، مئے کرّا 15ماہ ءَ چہ گیش منی بجٹ اِنت نہ کہ جون ءَ ایوک ءَ درملکی زرّ ءِ آیگ ءَ اِنت۔ آئی ءَ گوشت کہ مسلم لیگ ءَ ھمک دور ءَ ملک ءَ را تہاری ءَ چہ کش اتگ ءُ وشھالی ءِ نیمگ ءَ کش اتگ، پٹرول ءِ بہا کم کتگ، انشاء اللہ ما زِر ءَ ھم ارزان کن ایں، ءُ آیوکیں لھتیں روچ آنی تہ ءَ الس ءَ را گیش ءَ چہ گیش راشن دئیں۔ آئی ءَ گیش گوشت کہ اپوزیشن گل دیمروئی کتگیں پاکستان ءَ ھضم نہ کنگ ءَ اَنت، وتی چار سالی مدت ءِ تہ ءَ آیاں ملک ءِ معیشت ءَ گوں گوازی کتگ ءُ ملک ءَ بے رحمی ءَ لٹ ءُ کُٹ کتگ، کرپشن ءِ ریکارڈ جوڑ کتگ، بلے ملک ءِ ھچ کونے ءَ یک منصوبگے ھم بندات نہ بوتگ، مرچی ھم آ جلسہ ءُ جلوساں چہ دیم ءَ اتکگ۔
