اسلام آباد۔5اپریل (اے پی پی): وفاقی وزیر خزانہ محمد اورنگزیب ءَ گوشت کہ راجی معیشت راستیں راہ ءَ روگ ءَ انت، اقتصادی استحکام ءَ را پائیدار اقتصادی استحکام ءَ بدل کنگ لوٹ ایت، ملک ءِ زرّ ءِ ذخیرہ گیش بوھگ ءَ انت، افراط زر ءِ شرح ءَ را مدام کم کنگ بوھگ ءَ انت، درسد ءِ تہ ءَ گیشی بوتگ کہ گوستگیں سال ءَ 49 درسد بوتگ، بنجاہی سرمایہ کاری ءِ دیمروئی ءَ چہ درملکی براہ راست سرمایہ کاری ءَ را ھم گیشی بوتگ، سود ءِ شرح ءِ تہ ءَ کمی ءَ را راجی معیشت ءِ سر ءَ جوانیں اثر بوتگ، ملک ءَ سرمایہ کاری ءِ دیمروئی ءِ واستہ یک جامع حکمت عملی ءِ چیر دستی ءَ گامگیج زورگ بوھگ ءَ انت، ٹیکس ءِ جیڈھ آنی تہ ءَ گیشی ءِ آسر بوتگ۔ ایف بی آر ءِ آٹومیشن ءَ چہ حاصل کنگ بوھگ ءَ انت، عید الفطر ءِ روچ ءَ 870ارب کلدار ءِ زرّ گرگ بوتگ، گوستگیں سال ءَ عید الفطر ءِ روچ ءَ 720 ارب کلدار ءِ زرّ گرگ بوتگ، رواں مالی سال ءِ اولی نیمگ ءَ سیمنٹ ءِ پیداوار ءَ ھم 14 درسد گیشی بوتگ، گاڑی ءِ بہا کنگ ءَ ھم 14 درسد گیشی بوتگ۔ اے پروگرام ءَ را آئی ایم ایف ءِ گڈی پروگرام جوڑ کنگ ءِ ھاتر ءَ ڈھانچہ ءِ اصلاحات ءِ سرجمیں عمل درآمد المی اِنت۔ اے ھیالانی درشانی وزیر ھزانگ محمد اورنگزیب ءَ شمبے ءِ روچ ءَ ادا پریس کانفرنس ءِ ساھت ءَ کت اَنت۔ آئی ءَ گوشت کہ افراط زر ءِ تہ ءَ کمی ءِ آسر عام مردم ءَ سر بوتگ اَنت، معیشت راستیں نیمگ ءَ روگ ءَ اِنت، اقتصادی برجائی ءَ را پائیدار اقتصادی برجائی ءَ بدل کنگ لوٹ ایت۔ آئی ءَ گوشت کہ زرّ ءِ ذخیرہ ءِ تہ ءَ مدام گیشی بوھگ ءَ اِنت ءُ مہنگائی ءِ شرح ھم کم بوھگ ءَ اِنت۔ آئی ءَ گوشت کہ مہنگائی ءِ تہ ءَ کمی ءِ آسراتی عام مردم ءَ سر بوھگ ءِ واستہ یک ادارگی نظام ءِ جوڑ کنگ ءَ انت ایشی ءِ تہ ءَ المی چیز آنی نہاد آنی سر ءَ چار ءُ تپاسی کنگ بوھگ ءَ انت۔ وزیر خزانہ ءَ گوشت کہ کاروباری اعتماد ءِ انڈیکس ءِ ھوار سرمایہ کار آنی اعتماد ءُ صارف آنی اعتماد ءِ انڈیکس ھم راجی معیشت ءِ گہتری ءُ اقتصادی استحکام ءِ درشان انت۔ آئی ءَ گوشت کہ ما بزنس کمیونٹی ءِ اعتماد ءِ انڈیکس ءِ رپورٹ تیار نہ کتگ بلکیں اے جتا جتائیں میاں اوستمانی ادارگ آنی رپورٹ اَنت۔ پی ڈبلیو سی ءِ سروے رپورٹ ءِ حوالہ ءَ آئی ءَ گوشت کہ ملک ءِ سروک ایگزیکٹو افسر آناں گوشت کہ اقتصادی دیمروئی ءِ گامگیج آنی تہ ءَ 83درسد گیشی بوتگ کہ گوستگیں سال ءَ 49درسد بوتگ۔ آئی ءَ گوشت کہ بنجاہی سرمایہ کار آنی دلبڈی گہتر بوھگ ءَ انت، بازیں ادارگ آنی رپورٹ ھم ایشی ءَ پدر کن انت۔ وھدے کہ دمگی سرمایہ کار آنی اعتماد گہتر بیت ءُ آ سرمایہ کاری کن اَنت گڈا پاکستان ءَ براہ راست درملکی سرمایہ کاری ھم گیش بیت۔ آئی ءَ گوشت کہ پی ڈبلیو سی ءِ سروے ءِ آسر سک دلبڈی انت۔ محمد اورنگزیب ءَ گوشت کہ معیشت ءِ تہ ءَ بینکاری شوبگ ءِ ھاسیں کرد انت۔ آئی ءَ گوشت کہ اسٹیٹ بینک آف پاکستان ءِ نیمگ ءَ پالیسی ریٹ آنی تہ ءَ کمی ءَ چہ معیشت ءِ سر ءَ جوانیں آسراتی بوتگ ۔ وفاقی وزیر خزانہ ءَ گوشت کہ ملک ءَ سرمایہ کاری ءَ را دیمروئی دیگ ءِ واستہ یک سرجمیں حکمت عملی ءِ چیر دستی ءَ گامگیج کنگ بوھگ ءَ انت۔ وفاقی وزیر خزانہ محمد اورنگزیب ءَ گشتگ کہ نوں پاکستانی درستیں تنخواہ داریں شہری لوگ ءَ نشتگیں ٹیکس دائر کنگ ءِ اہل بنت، وکیل ءِ ضلورت نہ بیت، ٹیکس ءِ معاملہ آسان بنت۔ وزیر خزانہ ءَ گوشت کہ ٹیکس ءِ نظام ءَ را ساپءُ سلہ ئی آرگ ءِ واستہ انسانی مداخلت ءَ را کم چہ کم کنگ ءَ چہ ٹیکنالوجی ءِ وسیلگ ءَ شفافیں نظام ءِ دیم ءَ آرگ المی انت۔ یک رندے ٹیکس ءِ جم کنگ ءَ کار نہ بیت، ٹیکس ءِ جم کنگ ءِ پائیداری ءِ برجائی ءِ ھاترا گامگیج چست کنگ لوٹ ایت۔ آئی ءَ گوشت کہ ما 24سرکاری ادارگ پرائیویٹائزیشن کمیشن ءِ دست ءَ داتگ انت۔ اے ادارہ کہ تاوان ءِ آماچ انت ءُ مدام خزانہ ءَ تاوان ءِ آماچ انت آہانی نجکاری کنگ بیت۔ آئی ءَ گوشت کہ پی آئی اے ءَ را پدا نجکاری کنگ بیت۔ وفاقی وزیر خزانہ ءَ امیت درشان کت کہ دومی بھر نتیجہ مند ثابت بیت پرچا کہ نوں یورپی روٹ ہم پچ بوتگ انت ءُ روزویلٹ ہوٹل ءِ بابت ءَ ہم گپ ءُ تران کنگ بوت کنت۔ وزیر ءِ ھزانگ ءَ گوشت کہ مارا نوں اقتصادی برجائی ءَ را پائیدار برجائی ءَ بدل کنگی اِنت، ملک ءِ زرّ ءِ ذخیرہ گہتر بوھگ ءَ اِنت، معیشت راستیں نیمگ ءَ روگ ءَ اِنت، سود ءِ شرح 22درسد ءَ چہ 12درسد ءَ اتکگ، ایشی ءَ چہ صنعت کار آناں سیت رسگ ءَ اِنت۔ کاروباری اعتماد ءُ صارفین ءِ اعتماد ءِ بابت ءَ گپ ءِ ھوالگ ءَ وزیر ءِ ھزانگ ءَ گوشت کہ حکومت ءَ اے دعویٰ نہ کتگ کہ کاروباری اعتماد ءِ انڈیکس ءَ گہتری اتکگ بلکیں اے دعویٰ کتگ کہ اے گپ یک آزاتیں سروے ءِ تہ ءَ گشگ بوتگ۔ آئی ءَ گوشت کہ وھدے مئے بنجاہی سرمایہ کار سرمایہ کاری کن اَنت گڈا شما گندگ ءَ اِت کہ جاور ھال تیزی ءَ گوں گیش گہتر بنت۔ محمد اورنگزیب ءَ گوشت کہ اسٹاک مارکیٹ ءَ نوکیں سرمایہ کار آھگ ءَ انت، مارکیٹ ءَ گیش گہتری گندگ بوھگ ءَ انت ءُ عید الفطر ءِ روچ ءَ اقتصادی چست ءُ ایر آنی تہ ءَ مزنیں گیشی بوتگ۔ وزیر خزانہ محمد اورنگزیب ءَ گشتگ کہ سود ءِ شرح ءَ مزنیں کساسے ءَ کمی کنگ بوتگ ءُ گیش کمی ءِ گنجائش است انت۔ آئی ءَ گوشت کہ اقتصادی استحکام کجام ھم ملک ءِ اقتصادی دیمروئی ءِ واستہ سک باز المی اِنت، ءُ درائیں ملک آنی تہ ءَ مزنیں گہتری بوتگ۔ وزیر خزانہ ءَ گوشت کہ اے سال ءَ حوالہ جات ءِ آمدنی 36ارب ڈالر ءَ چہ گیش بوھگ ءِ گمان اِنت۔ وزیر ءِ ھزانگ ءَ گوشت کہ برآمدات ھم گیش بوھگ ءَ انت جون ءِ گڈ ءَ تاں ملک ءِ زرّ ءِ ذخیرہ 13ارب ڈالر ءَ سر بیت۔ آئی ئَ گوشت کہ اے وھد ئَ ایل سی ئِ پچ کنگ ءُ درملک ئَ منافع کمپنی ئَ روان دیگ ئَ ہچ وڑیں مشکلات نیست انت۔ محمد اورنگزیب ءَ گوشت کہ مہنگائی ءَ را کم کنگ ءِ میوہ الس ءَ را سر کنگ بہ بیت، کابینہ ءِ اقتصادی رابطہ کمیٹی مہنگائی ءَ را کم کنگ ءِ واستہ گامگیج کنگ ءَ انت، ای سی سی مہنگائی ءِ سر ءَ ھاسیں چماں دارگ ءَ انت، ای سی سی ءَ مہنگائی ءِ نگرانی ءِ واستہ ھم نوکیں گامگیج کتگ۔ آئی ءَ گوشت کہ عید الفطر ءِ روچ ءَ 870ارب کلدار گرگ بوتگ، گوستگیں مالی سال ءَ 720ارب کلدار گرگ بوتگ، سال ءِ اولی نیمگ ءَ سیمنٹ ءِ پیداوار ءَ 14درسد گیشی بوتگ، وھدیکہ گاڑی آنی بہا کنگ ءَ 40درسد ءُ 3000ءِ اولی نیمگ ءَ موٹر سائیکل ءِ بہا کنگ ءَ گیشی بوتگ۔ وزیر ءِ ھزانگ ءَ گوشت کہ آئی ایم ایف ءِ گوما کارندہ آنی تک ءِ معاہدہ بوتگ، ما آئی ایم ایف ءِ ڈھانچہ ءِ بنچ مارک ءَ را سرجم کتگ ءُ اے رندی راجی مالیاتی معاہدہ ءُ کشت ءُ کشاری انکم ٹیکس ءِ یکجا کنگ ءِ واستہ گامگیج چست کنگ بوتگ۔ وزیر ءِ ھزانگ ءَ گوشت کہ پاکستان ءَ اولی رند ءَ ڈھانچہ ءِ بنچ مارک حاصل کتگ انت۔ محمد اورنگزیب ءَ گوشت کہ صوبگ آں ھم اولی رند ءَ مول ءُ مراد آنی سرجمی ءِ واستہ گامگیج چست کتگ ءُ امیت انت کہ آئی ایم ایف ءِ ایگزیکٹو بورڈ زوت یک ارب ڈالر ءِ دومی بہر ءَ را منظور کنت۔ آئی ءَ گیش گوشت کہ موسمی مٹ ءُ بدل ءِ ھوالگ ءَ آئی ایم ایف ءِ گوما تپاک کنگ بوتگ ءُ مارا یک ارب ڈالر یکیں وھد ءَ نہ رس ایت، بلکیں مرحلہ وار رس ایت، ایشی ءَ چہ موسمی مٹ ءُ بدلی ءِ مول ءُ مراد آنی پیلو کنگ ءَ مارا کمک رسیت۔ آئی ءَ گوشت کہ اے پروگرام ءَ را آئی ایم ایف ءِ گڈی پروگرام جوڑ کنگ ءِ واستہ ڈھانچہ ءِ اصلاحات ءَ را سرجمی ءَ چہ عمل کنگ المی انت۔ آئی ءَ گوشت کہ ما ٹیکس ٹو جی ڈی پی ءِ تناسب ءَ را 10.8درسد ءَ سر کتگ، ٹیکس ءِ آمدنی ءَ را گیش کتگ ءُ ٹیکس ءِ بنیات ءَ را گیش کتگ۔ آئی ءَ گوشت کہ ایف بی آر ءَ ڈیجیٹلائزیشن ءَ چہ سیت زورگ بوھگ ءَ انت۔ وزیر خزانہ ءَ گوشت کہ ٹریک اینڈ ٹریس سسٹم ءَ را شکر، کھاد، ءُ تمباکو ءِ تہ ءَ سرجمی ءَ کارمرد کنگ بوتگ ءُ سیمنٹ ءِ شوبگ ءَ ھم کارمرد کنگ بوھگ ءَ اِنت۔
