لاہور۔5اپریل (اے پی پی): جماعت اسلامی امیر حافظ نعیم الرحمان ءَ مزن وزیر محمد شہباز شریف ءَ گوں ٹیلی فون کتگ ءُ بجلی ءِ نہادانی تہ ءَ کمی ءِ پد ءَ مزن وزیر ءِ شگر ءُ منت گپت ۔ مزن وزیر ءَ آئی ءَ را وش اتک کنان ءَ گوشت کہ مشکل آنی باوجود السی ریلیف ءَ را اولی ترجی دیگ بوتگ ءُ اے مشن برجاہ بیت۔ مزن وزیر کارگس ءِ پریس ونگ ءِ رد ءَ مزن وزیر ءَ گوشت کہ انشاءاللہ پاکستان ءِ دیمروئی ءِ سفر برجاہ بیت۔ دوئیں رہشوناں اسرائیل ءِ نیمگ ءَ غزہ ءَ بے سلاھیں فلسطینیانی سر ءَ بے سوبیں بمبتراک ءُ اے زلم ءُ زوراکیانی سر ءَ میاں اوستمانی طاقتانی چپ ءُ چاگردی ءِ سر ءَ جیڑگ ءِ درشانی کتگ۔ مزن وزیر ءَ غزہ ءَ برجاھیں صیہونی زلم ءُ زوراکی ءُ بے سلاہیں فلسطینی آنی سر ءَ زلم ءُ زوراکی ءِ ھلاپ ءَ ھمک میاں اوستمانی فورم ءَ وتی توار چست کنگ ءُ آوانی کمک ءَ را برجاہ دارگ ءِ پاکستان ءِ جزم ءِ پدا زور دات۔ مزن وزیر محمد شہباز شریف ءَ گوشت کہ صیہونی ظلم ءِ آماچیں بے دفاعیں فلسطینی برات ءُ گہار آنی کمک ءِ ھوالگ ءَ پاکستان ءِ موقف پدر انت۔
