اسلام آباد۔6اپریل (اے پی پی):سائنس ءُ ٹیکنالوجی ءِ کمک ءِ بابت ءَ اسلامی کمک ءِ گل ءِ وزارتیقائمہ کمیٹی ءُ پاکستان سائنس انسٹی ٹیوٹ آف Engin (MoU) ءِ رد ءَ ہائیر ایجوکیشن ءُ سائنس ءُ ٹیکنالوجی ءِ جتا جتائیں پڑ آنی تہ ءَ کمک ءَ را گیش کنگ ءِ ھاترا، ایشی ءِ مول ءُ مراد ایش اِنت کہ او آئی سی ءِ باسکیں ملک آنی نیام ءَ پٹ ءُ پول، صلاحیت سازی، ءُ زانت ءِ تبادلہ ءُ سائنسی نوآبادیاتی ءَ را مھکم کنگ ءِ ھاترا گامگیج چست کنگ بہ بیت۔ اے معاہدہ ءِ سرا کامسٹیک ءِ نیمگ ءَ کوآرڈینیٹر جنرل پروفیسر ڈاکٹر محمد اقبال چوہدری ءَ ءُ پاکستان انسٹی ٹیوٹ آف انجینئرنگ اینڈ اپلائیڈ سائنسز ءِ نیمگ ءَ ڈاکٹر نسیم عرفان ریکٹر ءَ دوئیں ادارگ آنی مزنیں کارندہ آنی ھوار بوھگ ءَ دستخط کتگ۔ مفاہمت نامہ ءِ رد ءَ دوئیں ادارگ یکجائی وانگ ءُ زانگ ءُ سائنسی پروگرام، میاں اوستمانی کانفرنس، ورکشاپ، ءُ تربیتی کورس آنی بندوبست کن اَنت ءُ ھمے وھد ءَ فیکلٹی ءُ نودربر آنی تبادلہ ءَ را دیم ءَ برگ ءَ اَنت۔ پاکستان انسٹی ٹیوٹ آف انجینئرنگ اینڈ اپلائیڈ سائنسز ءَ را کامسٹیک کنسورشیم آف ایکسیلنس (سی سی او ای) ءِ ایسوسی ایٹ باسک جوڑ کنگ بیتءُ او آئی سی ٹیکنالوجی اینڈ انوویشن پورٹل ءِ سر ءَ ھم رجسٹرڈ کنگ بیت ایشی ءَ چہ اے او آئی سی ءِ سائنسی نیٹ ورک ءَ گیش موثر رنگ ءَ یکجا کنگ بیت۔ مفاہمت نامہ ءِ مستریں گامگیج ”جابر بن حیان اسکالرشپ پروگرام“ ءِ بندات کنگ اِنت، ایشی ءِ چیر دستی ءَ او آئی سی ءِ باسکیں ملک آنی نودربر پاکستان انسٹی ٹیوٹ آف انجینئرنگ اینڈ اپلائیڈ سائنسز ءَ انڈرگریجویٹ، ماسٹر، پی ایچ ڈیءُ پوسٹ ڈاکٹریٹ ءِ وانگ ءِ ھاتر ءَ دیم ءَ برگ ءِ موہ رس اَنت۔ اے رد ءَ کمپیوٹر سائنس، مصنوعی ذہانت، سائبر سیکیورٹی، انجینئرنگ، میڈیکل فزکس، ایٹمی دوا ءُ دگہ نوکیں پڑ ھوار اَنت۔ کامسٹیک ءِ نیمگ ءَ چہ میاں اوستمانی نودربر آنی واستہ رہشونی ءِ کرد پیلو بیت وھدے کہ پاکستان انسٹی ٹیوٹ آف انجینئرنگ اینڈ اپلائیڈ سائنسز ءَ را داخلہ ءُ اسکالرشپ ءِ سر ءَ سرجمیں اختیار بیت۔ ایشی ءَ ابید مفاہمت نامہ ءِ رد ءَ کامسٹیک ءِ نامداریں اسکالر پروگرام ءِ وسیلگ ءَ پاکستان انسٹی ٹیوٹ آف انجینئرنگءُ اپلائیڈ سائنسز ءَ باسکیں ملک آنی نامداریں سائنسدان ءُ پٹ ءُ پولکار آنی میزبانی کنگ بیت کہ آ لیکچر، ورکشاپ ءُ تربیت ءِ وسیلگ ءَ پٹ ءُ پولی کار آنی تہ ءَ بھر زور اَنت۔ کامسٹیک کم مدتی فیلوشپءُ میاں اوستمانی اکیڈمک تبادلہ ءِ حمایت کنت، وھدے کہ انسٹی ٹیوٹ آف انجینئرنگ اینڈ اپلائیڈ سائنسز آہانی رہائش ءُ دگہ لوٹانی بندوبست کنت۔ دوئیں ادارگ یکجائی تربیتی پروگرام، ٹیکنالوجی ءِ دیمروئی منصوبگ، ءُ یکجائی پٹ ءُ پولی کارانی وسیلگ ءَ سائنس ءُ ٹیکنالوجی ءِ تہ ءَ دیمروئی ءُ نوکیں چیز جوڑ کنگ ءِ واستہ یکجاہ کار کن اَنت۔
