لاہور ۔6اپریل (اے پی پی):وفاقی وزیر اھوالکاری ءُ نشریات عطا اللہ تارڑ ءَ گشتگ کہ وھدے آئی ءَ ملک ءِ چارج گپت گڈا بازیں چیلنج ءِ دیمپان بوتگ انت۔ مشکلیں وھد ءَ مزن وزیر ءَ سیاست نہ بلکیں ریاستی ءِ نعرہ چست کتگ ۔ ما ریاستی مفادات ءَ را اولیت داتگ ءُ سیاسی تاواناں چہ درستاں گیشتر داتگ۔ مزن وزیر ءَ بجلی ارزان کنگ ءِ وتی وعدہ سرجم کتگ ۔ نعرہ ءِ بدل ءَ مہلوک ءَ را ریلیف پجاری ءِ واستہ عملی گامگیج زورگ بوہگ ءَ انت۔ ٹیم ورک ءِ منت ءَ سوبمندیءِ سلسلہ دیم ءَ روگ ءَ اِنت۔ وھدے کہ مزن وزیر شہباز شریف ءَ اے ملک ءِ باگیں دست گپت گڑا جاور ھال شر نہ اتنت، بازیں چیلنج اتنت، مردم گشگ ءَ اتنت کہ ملک ڈیفالٹ بیت، مہنگائیءُ گریبی گیش بیت، جاور ھال چہ ھراب ءَ ھراب تر بنت، دژمن اے ملک ءِ طاق ءَ ات کہ اے ملک چوں ءُ کدی ڈیفالٹ کنت، سیاسی رد ءَ ھم مردماں وتی سیاسی مفاد ءِ سر ءَ اے اولیت داتگ ات۔ لس مھلوک زانت کہ آئی ایم ایف ءِ پروگرام ءِ بند کنگ ءِ ھاترا نمدی نبشتہ کنگ بوتگ بلے مزن وزیر شہباز شریف ءَ گرانیں وھد ءَ سیاست نہ بلکیں ریاستی ءِ نعرہ چست کتگ۔ اے ریاست پاکستان انت پمیشکا ما ہم ایں، مئے ہست ءُ اگدہ چہ پاکستان ءَ پیداک انت۔ قائد محمد نواز شریف ءِ سروکی ءَ مزن وزیر ءَ ملک ءِ ازمت ءِ ذمہ واری وتی دست ءَ زرتگ ءُ گوشت کہ من ءَ اے ملک ءِ ازمت کنگی اِنت ءُ مشکلیں جاور آنی تہ ءَ ہلاس نہ بوھگی اِنت۔ مزن وزیر ءَ مہلوک ءِ حقانی واستہ شپ ءُ روچ کار کتگ۔ ھما وھد ءَ ھم کہ مردماں ناامیتیوتی شعار جوڑ کتگ ات گڑا آ گشگ ءَ ات کہ اُمیت است انت، ما محنت کن انت، وتی جان ءِ جنگ ءَ کن انت ءُ اے پاکستان ءَ مزن کن انت۔ مزن وزیر ءَ بجلی ءِ نرخاں کم کنگ ءِ وعدہ کتگ ات، ءُ مرچی آئی ءَ وعدہ پیلو کتگ۔ بجلی ہفت کلدار ءُ 41 پیسہ ارزان بوتگ۔ اے کسانیں کارنامہیے نہ اِنت۔ مہلوک ءَ را ریلیف ءِ پجارینگ ءِ ھاتر ءَ محنت ءِ سبب ءَ سوبمندی رستگ۔ اے درست پہ راج ءِ درد ءِ سرپد بوھگ ءَ بنت نہ کہ ھالیگیں نعرہ چست کنگ ءَ ۔ وفاقی وزیر اھوالکاری عطا اللہ تارڑ ءَ گوشت کہ میاں اوستمانی مالیاتی ادارگ اقتصادی پڑ ءَ پاکستان ءِ کارکردگی ءِ توسیپ ءَ کنگ ءَ اَنت، مہنگائی وتی کم ترین تک ءَ سر بوتگ، اسٹاک مارکیٹ ءِ تہ ءَ گیشی بوھگ ءَ اِنت، بجلی ھم ارزان بوتگ ءُ سرجمیں اعداد و شمار ءَ چہ پدر اِنت کہ پاکستان ءَ بال کتگ، اودان پاکستان ءِ چیر دستی ءَ اقتصادی دیمروئی ءِ گرانقدریں وطن ءَ را ہائیٹ ءَ را ٹچ کنت۔ بجلی ءَ را ھم 100کروڑ کلدار ءَ ارزان کنگ بوتگ۔ صنعتی صارفین ءِ واستہ 7.69 فییونٹ ءِ سرا انت۔ ارزانیں بجلی ءَ چہ اقتصادی چست ءُ ایر گیش بنت ءُ روزگار ءِ موہ پیداک بنت۔ برآمدات ءِ تہا گیشی بیت۔ اگاں مئے صنعت دیمروئی بہ کن انت گڑا نوکری دست کپ انت۔ سود ءِ شرح ہم کم بوتگ۔ ما گچین کاری ءَ وعدہ کتگ ات کہ ما مہنگائی ءَ را یک ہندسہ ءَ سر کنیں، اے 2024 ءَ وت یک ہندسہ ءَ سر بوتگ ءُ مرچی وتی کم ترین تک ءَ انت۔ ریلیف مرچی مہلوک ءَ سر بوتگ۔ الس ءِ حذمت مئے سیاست ءِ محور ءُ فرض انت ۔ آئیءَ گوشت کہ ملک ءَ مزن جوڑ کنگ ءِ تہ ءَ ما درست یکجائیءَ وتی کرد ءَ پیلو کناں۔ اے ٹیم ورک اِنت۔ ایشیءَ پاک فوج ءِ سروک جنرل عاصم منیرءِ ھم سرجمیں رنگ ءَ کرد است انت۔ آرمی چیف ءِ سروکی ءَ پاک فوج راجی سلامتی ءِ ھواری ءَ اقتصادی برجائی ءِ تہ ھم ھاسیں کرد ءَ پیلوکنت ۔ وفاقی وزیر ءَ گوشت کہ آیوکیں روچ آنی تہ ءَ گیش جوانیں ھال دیم ءَ کیت۔ وھدے کہ مردم پنچ سال ءِ سرجم بوھگ ءَ پد تئی کارکردگی ءِ بنیاد ءَ ووٹ لوٹ اَنت گڑا تو چہ وتی لوگاں درکپ ئے ءُ گْوش ئے کہ تئی سرکار ءَ ھما کار کتگ کہ ما گوں تو رو ایں ۔ آئیءَ گوشت کہ ملک ءَ مزن جوڑ کنگ ءِ واستہ یکجائیءَ دیمءَ گام جناں۔
