اسلام آباد۔06اپریل (اے پی پی):مزن وزیر محمد شہباز شریف ءَ گوشت کہ حکومت راجی لیبءُ گوازی ءِ فیڈریشن آنی تہ ءَ شفافیت، احتساب ءُ پیشہ وارانہ لیکہ ءَ را دل یکیمی کنگ ءِ واستہ اصلاحات آناں دیم ءَ آرگ ءَ اِنت۔ اسپورٹس راجی دیمروئی، ورنا آناں بااختیار جوڑ کنگ ءُ پاکستان ءِ پجار ءَ را جھان ءِ تک ءَ پدر کنگ ءِ یک موثریں وسیلگ اِنت۔ راجی اسپورٹس پالیسی ءِ تہ ءَ لس تک ءَ ٹیلنٹ ءِ درگیجگ ، صنفی برابریءُ شمولیت ءِ دیمروئی ءِ سر ءَ دلگوشی دیگ بیت۔ شمبے ءِ روچ ءَ دیمروئیءُ امن ءِ واستہ لیبءُ گوازی ءِ میاں اوستمانی روچ ءِ موہ ءَ وتی پیغام ءِ تہ ءَ آئی ءَ گوشت کہ دیمروئیءُ امن ءِ واستہ لیبءُ گوازی ءِ میاں اوستمانی روچ ءِ موہ ءَ پاکستان ءَ میاں اوستمانی براتی ءِ گوما یکوئی ءِ درشانی کنت، جوانیں بدلی ءِ دیمروئی ءِ تہ ءَ لیبءُ گوازی ءِ ارزشت ءَ را من ایت،یک سیم سر آنی سر ءَ یکجاھیں رکاوٹ آناں پُر کنگ ءُیکجاھیں رکاوٹ آناں پُر کنگ۔ مزن وزیر ءَ گوشت کہ لیب ءُ گوازی راجی دیمروئی، ورنا آناں توانائی دیگ ءُ جھان ءِ تک ءَ پاکستان ءِ پجار ءَ را پدر کنگ ءِ واستہ یک جوانیں وسیلہیے ءُ ھمے ھاتر ءَ مئے حکومت ءَ لیب ءُ گوازی ءَ را وتی دیمروئی ءِ ایجنڈا ءِ یک مرکزی ستون ءِ رنگ ءَ جار جتگ۔ مئے راجی اسپورٹس پالیسی ءِ تہ ءَ گراس روٹ شمولیت، ٹیلنٹ ءِ درگیجگ، صنفی برابریءُ شمولیت ءِ دیمروئی ءِ سر ءَ دلگوشی دیگ بیت۔ آئی ءَ گوشت کہ ارشد ندیم/شہباز شریف ہائی پرفارمنس اکیڈمی ءِ وڑیں گامگیج آنی وسیلگ ءَ مئے مول ءُ مراد سائنسیبنیات ءِ تربیت، مالی کمک ءُ نوکیں آسراتی آنی پجاری ءِ وسیلگ ءَ ورنا ایتھلیٹ آناں آیوکیں چیلنج آنی واستہ تیار کنگ اِنت۔ مئے گمان اِنت کہ جوانیں انتظامی مھکمیں لیب ءُ گوازی ءِ بُن ھشت اِنت۔ حکومت راجی اسپورٹس فیڈریشن آنی تہ ءَ شفافیت، احتساب ءُ پیشہ وارانہ لیکہ ءَ را دل یکیمی کنگ ءِ واستہ اصلاحات آناں دیم ءَ آرگ ءَ اِنت تانکہ ادارگی گورننس ءَ را گہتر کنگ، ایتھلیٹ آنی گچین کاری ءَ میرٹ ءَ را اولیت دیگءُ اسپورٹس ءِ پڑ ءَ اخلاقی اقدار آناں دیمروئی دیگ بہ بیت۔ سرجمیں ملک ءَ تربیتی کیمپ آنی برجائی ءَ چہ 2026 ءَ 14می جنوبی ایشیائی گیمز ءِ تیاری ءَ پاکستان ءِ دمگ ءَ اسپورٹس ایکسیلنسءُ سیلءُ سواد ءِ مرکز جوڑ بوھگ ءِ ھاترا جزم اِنت۔ مزن وزیر ءَ سول سوسائٹیءُ دیمروئی شریکاں ہوار توامیں اسٹیک ہولڈر آناں چہ اپیل کت کہ آ وانگ ءُ زانگ، جان سلامتی، دیمروئیءُ امن ءِ ھوالگ ءَ پالیسیءُ پروگرام آنی تہ ءَ جوانیں رنگ ءَ اسپورٹس ءَ را ھوار بہ کن اَنت۔ مزن وزیر ءَ گوشت کہ بیا اِت ما درست یکجائی ءَ وتی لیب ءُ گوازی ءِ نظام ءَ را مھکم کن ایں ءُ آیوکیں باھند آنی واستہ گیش شمولیت مند، بااختیار ءُ برجمیں چاگرد ءِ جوڑ کنگ ءِ واستہ کار کن ایں ۔
