لاہور۔6اپریل (اے پی پی):وفاقی وزیر رانا مبشیر اقبال ءَ گشتگ اگاں مسلم لیگ (ن) ءَ چہ پاکستان ءِ دیمروئی ءَ دور کنگ بہ بیت گڑا ہچ چیز پشت نہ کپیت۔ حکومت ملک ءِ وشحالی ءِ واستہ ہر ممکن گامگیج چست کنت۔ آئی ءَ اے ھیالانی درشانییک شمبے ءِ روچ ءَ بجلی ءِ نہادانی تہ ءَ کمی ءِ پیسلہ ءِ سر ءَ شگر ءُ منت واری ءِ درشان کنگ ءِ واستہ خیابان امین ءَ برجم داشتگیں جلسہ ءِ تہ ءَ بھر زوروکاں گوں تران کنان ءَ کت۔ اے موہ ءَ مزن وزیر ءِ ھاسیں کمکار طلحہ برکی، ایم پی اے میان عمران جاوید، رانا راشد ءُ بی بی وا ڈیری ءَ ہوار پارٹی ءِ رہشون ءُ کارکنانی مزنیں کساس ءَ بہر زرتگ ات۔ وفاقی وزیر رانا مبشیر اقبال ءَ گوشت کہ مسلم لیگ ن ہر وھد ءَ اقتدار ءَ اتک گڑا آئی ءَ الس ءِ ھزمت کت ءُ ملک ءَ را بحران آنی تہ ءَ چہ در کت، ملک ءَ تہاری ھلاس کت ءُ رژنائی ءَ را بدل کت، معیشت ءَ را مھکم کت، ناشرکاری ءَ را ھلاس کت، مہنگائی ءَ را کم کت ءُ ورنا آنی واستہ روزگار ءِ مزنیں موہ پیداک کت۔ اگاں مسلم لیگ (ن) چہ پاکستان ءِ دیمروئی ءَ دور کنگ بہ بیت تہ ھچ پشت نہ کپیت۔ مزن وزیر شہباز شریف ءَ 7 کلدار ءَ چہ گیش بجلی ءِ نہاد ءَ کم کنان ءَ پاکستانی الس ءِ دل وتی نیمگ ءَ گپتگ، نا ممکنیں چیز ممکن جوڑ کتگ انت۔ انشاءاللہ زوت مہلوک گیشتر وشیں حالاں اشکنت۔ وفاقی وزیر ءَ گوشت کہ مزن وزیر محمد شہباز شریف ءِ سروکی ءَ حکومت ءِ جوانیں پالیسی آنی برکت ءَ پاکستان دیمروئی ءِ نیمگ ءَ جنزان بوتگ۔ ن لیگ ءِ راہشون محمد نواز شریف ءِ سروکی ءَ سرکاری ٹیم سرجمیں ملک ءَ جوانیں رنگ ءَ مہلوک ءِ ازمت ءَ کنگ ءَ انت۔ آئی ءَ گوشت کہ گوست ءِ یک نا تجربہ کاریں سرکارے ءَ چہ الس ءِ دپ ءَ یک لقمہ یے ھم زرتگ۔ اے وھد ءَ افراط زر ءِ سرا اتکگ ات، ملک ءِ معیشت بے رھبند بوتگ ات، بے روزگاری گیش بوتگ ات، برآمدات کم بوتگ ات ءُ درآمدات گیش بوتگ ات۔ اگاں آ وھد ءَ محمد نواز شریف ءِ سرکار ھلاس کنگ مہ بوتیں ءُ ملک ءِ لگام نااہلیں مردمے ءِ دست ءَ دیگ مہ بوتیں گڑا مرچی پاکستان ءَ اینچو جیڑھ ءُ جنجالانی دیمپان نہ بوتگ ات ءُ ملک دیمروئی کتگیں ملکانی لڑ ءَ ھوار بوتگ ات۔ رانا مبشیر اقبال ءَ گوشت کہ اللہ تعالیٰ ءَ مارا پاکستان ءِ ازمت ءِ دگہ موہ داتگ، ایشی ءَ ما ہچ وڑیں جاوراں ضائع نہ کن ایں ۔ ما ملک ءَ زوت دیمروئی کن ایں ءُ حکومت محمد شہباز شریف ءِ سروکی ءَ ملک ءِ وشحالی ءِ واستہ ہر ممکن گامگیج چست کنت ۔ جلسہ چہ خیابان امین ءَ چہ فیروز پور روڈ، لدھار، بیدیان ءُ جتاجتائیں جاہاں چہ آسر بوت۔ کارگراں ” مزن وزیر محمد شہباز شریف زندگ بات “ ءِ نعرہ چست کتگ انت۔
